నడి రోడ్డుపై... టీవీ నటిని వేధించి ప్రియుడు!

ముంబై: బిగ్ బాస్ 8 రియాల్టీ షోలో కంటెస్ట్ చేస్తున్న నటి సోనీ సింగ్..... తన ఎక్స్ బాయ్ ఫ్రెండ్ కారణంగా ముంబైలో నడి రోడ్డుపై వేధింపులకు గురైంది. ముంబైలోని వెర్సోవా ప్రాంతంలో జులై 6న ఈ సంఘటన చోటు చేసుకుంది. విషయం పోలీస్ స్టేషన్ వరకు వెళ్లింది.

ప్రత్యక్ష సాక్షుల కథనం ప్రకారం రోడ్డుపై ఉన్న సోనీ సింగ్‌ను ఆమె ప్రియుడు బలవంతంగా కారులోకి లాగాడని, లోపల ఇద్దరూ కొట్టుకున్న శబ్దాలు వినిపించినట్లు తెలుస్తోంది. ఈ గొడవను ఆమె స్నేహితులు ఆపడానికి ప్రయత్నించగా తమ పర్సనల్ విషయాల్లో జోక్యం చేసుకోవద్దని ఆమె వారిని వారించినట్లు తెలుస్తోంది. గొడవ జరుగుతుండటంతో ఓ వ్యక్తి పోలీసులకు కాల్ చేసాడు. వారు వచ్చి ఆమెను, ఆమె ప్రయుడిని, స్నేహితులను పోలీస్ స్టేషన్ కి తీసుకెళ్లారు.

అయితే ఈ సంఘటనపై మీడియా వారు ఆమెను కాంటాక్టు చేయగా ఈ అంశంపై మాట్లాడేందుకు నిరాకరించారు. ఇది నా వ్యక్తిగత విషయం...దీని గురించి మాట్లాడటం నాకు ఇష్టం లేదని వెల్లడించినట్లు తెలుస్తోంది. సోనీ సింగ్ పలు హిందీ సీరియల్స్ లో నెగెటివ్ రోల్స్ చేస్తూ పాపులర్ అయ్యారు. బిగ్ బాస్ 8 షోలో పాల్గొనడంతో ఆమె పాపులారిటీ మరింత పెరిగింది. ఈ నేపథ్యంలో ఆమె ప్రియుడితో గొడవ హాట్ టాపిక్ అయింది.