Bigg Boss Nominations: మళ్లీ F బూతు రచ్చ.. వెంట్రుక చూపిస్తూ.. బిందుతో పాటు పది మందికి బిగ్ షాక్

నాన్ స్టార్ ఎంటర్‌టైన్‌మెంట్

తెలుగులో బిగ్ బాస్ సూపర్ డూపర్ హిట్ అవడంతో ఇప్పుడు ఓటీటీ వెర్షన్ నాన్ స్టాప్ మొదటి సీజన్‌పై అంచనాలు భారీ స్థాయిలో ఏర్పడ్డాయి. అందుకు అనుగుణంగానే ఇది మొదటి నుంచే ఆసక్తికరంగా నడుస్తోంది. మరీ ముఖ్యంగా డబుల్ మీనింగ్ డైలాగులు, బూతులు, బోల్డు బ్యూటీల రచ్చ, గొడవలతో రచ్చగా నడుస్తోంది. ఫలితంగా నాన్ స్టాప్‌గా వినోదాన్ని కూడా పంచుతోంది.

5 వారాల్లో.. ఐదుగురు వెళ్లారు

తాజా సీజన్‌లోకి అషు రెడ్డి, మహేశ్ విట్టా, ముమైత్ ఖాన్, అజయ్ కుమార్, స్రవంతి చొక్కారపు, ఆర్జే చైతూ, ఆరియానా గ్లోరీ, నటరాజ్ మాస్టర్, శ్రీ రాపాక, అనిల్ రాథోడ్, మిశ్రా శర్మ, తేజస్వీ మదివాడ, యాంకర్ శివ, సరయు రాయ్, బిందు మాధవి, హమీదా ఖతూన్, అఖిల్ సార్థక్‌లు ఎంట్రీ ఇచ్చారు. వీళ్లలో నుంచి ముమైత్, శ్రీ రాపాక, ఆర్జే చైతూ, సరయు, తేజస్వీలు బయటకు వెళ్లారు.

మంటల్లో వేసి నామినేషన్స్

బిగ్ బాస్‌లో నామినేషన్స్ టాస్క్ ఎంతో రచ్చగా సాగుతోంది. ఈ వారం కూడా అదే రీతిలో నడిచింది. ఆరో వారానికి సంబంధించిన నామినేషన్స్ ప్రక్రియలో ఒక కంటెస్టెంట్ ఇద్దరిని నామినేట్ చేయాలి. అందుకు గానూ ఆ ఇద్దరి ఫొటోలను గార్డెన్ ఏరియాలో ఏర్పాటు చేసిన మంటల్లో తగలబెట్టాల్సి ఉంటుంది. అంతేకాదు, అందుకు తగిన కారణాలను కూడా చెప్పాల్సి ఉంటుంది.

వాళ్ల మధ్య బూతు గొడవతో

ఆరో వారం నామినేషన్స్ ప్రక్రియ కూడా ఎప్పటి లాగే పెద్ద గొడవలతో సాగింది. మరీ ముఖ్యంగా అజయ్, హమీదా మధ్య FUCK పదం గురించి పెద్ద ఎత్తున మాటల యుద్ధం నడిచింది. తనపై అనవసరంగా నిందలు వేసిందని అజయ్ ఆమెను నామినేట్ చేశాడు. దీనికామె అక్కడ నేను విన్నదే చెప్పానని వాదించింది. ఇది చాలా సేపు జరిగింది. కానీ, ఎవరూ తగ్గకుండా మాట్లాడారు.

వెంట్రుక కూడా పీకలేవులే

నామినేషన్స్‌లో ఉంటే గొడవలు పెట్టుకునే నటరాజ్ మాస్టర్.. మరోసారి రెచ్చిపోయాడు. తనను నామినేట్ చేసిన అనిల్‌పై విరుచుకుపడ్డాడు. దీంతో అతడు కూడా ఏమాత్రం తగ్గలేదు. అంతేకాదు, 'నువ్వు నా వెంట్రుక కూడా పీకలేవు' అన్నట్లుగా సైగలు చేశాడు. ఆ తర్వాత బిందు, స్రవంతిపైనా నటరాజ్ నోటికొచ్చినట్లు మాట్లాడాడు. చివర్లో అఖిల్, బిందుకు వాదన జరిగింది.

ఎవరు ఎవరిని చేశారంటే

ఈ టాస్కులో అరియానా - మిత్రా, బిందును.. అజయ్ - మహేష్, హమీదాను.. అషు - మిత్రా, హమీదాను.. అనీల్ - నటరాజ్, మిత్రాను.. స్రవంతి - మిత్రా, నటరాజ్‌ను.. మహేష్ - ముమైత్, మిత్రాను.. హమీదా - అషు, అజయ్‌ను.. నటరాజ్ - స్రవంతి, బిందును.. శివ - అషు, మిత్రాను.. ముమైత్ - మహేష్, మిత్రాను.. మిత్రా - మహేష్, శివను.. బిందు - నటరాజ్, అషును.. అఖిల్ - బిందు, మిత్రాను నామినేట్ చేశారు.

మొత్తంగా పది మందికి షాక్

ఆరో వారానికి సంబంధించి జరిగిన నామినేషన్స్ టాస్కులో మొత్తంగా పది మంది నామినేట్ అయినట్లు బిగ్ బాస్ వెల్లడించాడు. అందులో మిత్ర శర్మ, నటరాజ్, మహేష్ విట్టా, అషు రెడ్డి, హమీదా, బిందు మాధవి, యాంకర్ శివ, అజయ్, స్రవంతి, ముమైత్ ఖాన్‌లు ఉన్నారు. అంటే కెప్టెన్ అయిన అఖిల్‌తో పాటు అజయ్, ఆరియానాలు ఈ వారం నామినేషన్స్ తప్పించుకున్నారు.