Bigg Boss Telugu 6: శత్రువులను పెంచుకుంటున్న రేవంత్.. ఎటాక్ మొదలైంది.. క్లిక్కయితే ఇంటికే!

జనాల్లో సపోర్ట్ ఎక్కువవుతోంది

రేవంత్ మొదటి నుంచి కూడా జనాల్లో మంచి సపోర్ట్ తోనే కొనసాగుతున్నాడు. అతను టాస్క్ లలో కొన్నిసార్లు నిరాశపరిచినప్పటికి జనాల్లో సపోర్ట్ ఎక్కువవుతోంది. ఇక అత్యధిక ఓట్లు అందుకున్న బిగ్ బాస్ కంటెస్టెంట్స్ లలో అతను నెంబర్ వన్ స్థానంలో ఉంటాడు అని చెప్పవచ్చు. ఇక అతనికి పోటీగా ఉన్న మిగతా వాళ్ళు ఇదివరకే తప్పుల గురించి మాట్లాడినప్పటికి అంతగా మైనస్ అవ్వలేదు. కానీ ఇప్పుడు మాత్రం రేవంత్ పై గట్టిగానే ఫోకస్ చేసినట్లు అనిపిస్తోంది.

శ్రీహన్ కౌంటర్

కొన్నిసార్లు రేవంత్ సహనం కోల్పోతు ఉంటాడు. ముఖ్యంగా పిజికల్ టాస్క్ లలో అతను కోపాన్ని ఏ మాత్రం కంట్రోల్ చేసుకోడు అని చాలామంది చెప్పారు. ఇక అనవసరంగా కామెంట్స్ చేస్తూ ఉంటాడు అని శ్రీహన్ కూడా చెప్పాడు. ఇక సోమవారం ఎపిసోడ్ లో కూడా శ్రీహన్ రేవంత్ చేస్తున్న కామెంట్స్ హర్ట్ చేస్తున్నట్లుగా మాట్లాడాడు. నేను మాట్లాడితే మీ ఇంట్లో గొడవలు అవుతాయని కూడా అతను కౌంటర్ ఇచ్చాడు.

ఆదిరెడ్డి ఫైర్

ఇక ఆది రెడ్డి నామినేషన్ లో ఈసారి రేవంత్ మాటలకు గట్టిగానే కౌంటర్ ఇచ్చాడు. తప్పులు బిగ్ బాస్ లో చాలా జరుగుతాయి నేను చేసిన తప్పును ధైర్యంగా ఒప్పుకుంటాను కానీ నువ్వు అలా కాదు అని ఆదిరెడ్డి ఫైర్ అయ్యాడు. దీంతో రేవంత్ కూడా అదే తరహాలో సమాధానం ఇవ్వడానికి ప్రయత్నం చేశాడు కానీ వర్కౌట్ కాలేదు. ఆదిరెడ్డి గట్టిగానే నిలదీసినట్లు అనిపించింది.

ఫైమా విశ్వరూపం

ఇక మరోవైపు ఫైమా అయితే నామినేషన్ లో మరో లెవెల్లో ఆగ్రహం వ్యక్తం చేసింది. రేవంత్ సపోర్ట్ తో ఆడతావు అనే కామెంట్ చేసినందుకు ఆమె చిర్రెత్తి పోయి అతని తప్పుల చిట్టా విప్పే ప్రయత్నం చేసింది. అసలు నువ్వు ఎలాంటి గేమ్ అడుతున్నావో తెలుసా ముందు ఒక మాట వెనకాల ఒక మాట మాట్లాడుతున్నావు అని ఫైమా కౌంటర్ ఇచ్చింది. అలాగే రేవంత్ చేసిన తప్పల గురించి ఎవరూ ఎందుకు మాట్లాడడం లేదని ఆమె అందరిని అలెర్ట్ అయ్యేలా చేస్తోంది.

ఇది క్లిక్కయితే ఇంటికే..

మొత్తంగా ఫైనల్స్ కు ఇంకా మూడు వారాల సమయం మాత్రమే ఉండడంతో కంటెస్టెంట్స్ ఈ వీక్ ని చాలా సీరియస్ గా తీసుకున్నారు. ఇక నెంబర్ వన్ స్థానంలో కొనసాగుతున్న రేవంత్ అందరికి పోటీగానే ఉన్నాడు కాబట్టి మిగతా కంటెస్టెంట్స్ అతనిపై ఎక్కువగా ఫోకస్ చేస్తున్నారు. ఆదిరెడ్డి, శ్రీహన్, ఫైమా చెప్పిన మాటలు ఈ వారం క్లిక్కయితే రేవంత్ ఇంటికి వెళ్లే అవకాశం లేకపోలేదు. ఈ వారం జనాల ఓట్లు చాలా కీలకం కానున్నాయి. మరి ఈ సారి రేవంత్ లక్ ఏ విధంగా వర్కౌట్ అవుతుందో చూడాలి.