అది ముగిసింది ఇది దొరికింది.. చమ్మక్ చంద్ర లక్ ‘అదిరింది’

బాగానే సెటిల్..

జబర్దస్త్ షోలో సంపాదించిన వాటితో చమ్మక్ చంద్ర బాగానే సెటిల్ అయ్యాడు. సొంతంగా ఇళ్లు, కారు కొనుక్కుని మంచిస్టేజ్‌లో ఉన్నాడంటూ నాగబాబు ఆ మధ్య చెప్పుకొచ్చాడు. అలా జబర్దస్త్ షోలో సంపాదించిన, ఇచ్చిన రెమ్యూనరేషన్ కంటే ఎక్కువగానే అదిరిందిలో తీసుకున్నట్టు తెలుస్తోంది.

ఓరచూపుతో కాల్చేస్తోంది.. దివ్యా గణేష్ పిక్స్ వైరల్

నాగబాబు కోసం..

జబర్దస్త్ షోలో మంచి స్థాయిలో ఉన్న చమ్మక్ చంద్ర.. నాగబాబు కోసం వీడాడు. అలా అదిరింది షోలోకి వెళ్లిన చంద్రకు అక్కడా మంచి రెమ్యూనరేషనే దక్కిందని తెలుస్తోంది. అయితే అది మూన్నాళ్ల ముచ్చటగానే మిగిలింది. అదిరింది షో ఇప్పుడు ప్రసారం కావడం లేదు.

అలా మారినా కూడా..

అదిరింది షోని బొమ్మ అదిరిందిగా మార్చారు. యాంకర్లు, జడ్జ్‌లను అందరినీ మార్చేశారు. అలా బొమ్మ అదిరింది కొన్ని వారాలు బాగానే నడిచింది. కానీ రేటింగ్‌లు మాత్రం అనుకున్నంత స్థాయిలో రాలేదు. దీంతో చెప్పా పెట్టకుండా బొమ్మ అదిరింది బిచానా ఎత్తేసింది.

అలా మిగిలిపోయారు..

బొమ్మ అదిరింది అలా సడెన్‌గా మూత పడటంతో అందరూ దిక్కుతోచని స్థితిలో పడ్డారు. నాగబాబు మొదటి నుంచి ఇది పసిగట్టి తన యూట్యూబ్ చానెల్‌ను బాగానే ఫేమస్ చేసుకున్నాడు. కానీ మిగతా వాళ్లు మాత్రం ఏం చేయాలో తోచక అలా ఉండిపోయారు. మళ్లీ తిరిగి ఈటీవీలోకి, జబర్దస్త్ లోకి వెళ్లలేరు.

ఆ కొత్త షోలో..

స్టార్ మాలో ఇప్పుడు బిగ్ బాస్ కంటెస్టెంట్లను ముందు పెట్టి కామెడీ స్టార్స్ అనే కొత్త షోను ప్రారంభించారు. ఇందులో అదిరింది కంటెస్టెంట్లు మొత్తం ఇందులో వాలిపోయారు. అలా చమ్మక్ చంద్రకు మళ్లీ ఆదాయం వచ్చినట్టైంది. అలా అదిరింది ముగిసిపోవడం ఇలా కొత్త షో ప్రారంభం కావడమంటే చంద్రది అదృష్టమే. మరి ఈ షో ఎంత కాలం ఉంటుందో చూడాలి.