Click it and Unblock the Notifications
బుల్లితెర స్టార్ విలన్ మృతి
''ల్యారీ హగ్మ్యాన్ అసాధారణ వ్యక్తి. ఆయన పోషించిన జేఆర్ ఈవింగ్ పాత్ర వినోద రంగం ఎప్పటికీ మరిచిపోదు'' అని టీవీ కార్యక్రమం కార్యనిర్వాహక నిర్మాతలు సింథియా సిడ్రే, మైఖేల్ రాబిన్ తెలిపారు. వ్యాపారంలో పోటీనిచ్చే వారినే కాదు తన భార్యను కూడా మోసం చేసే పాత్రలో 1978 నుంచి 1991 వరకూ 356 ఎపిసోడ్లపాటు ల్యారీ ప్రేక్షకులను అలరించారు.
''హలో డార్లిన్: టాల్ టేల్స్ ఏబౌట్ మై లైఫ్'' అని తన ఆత్మకథలో ఆయన అనేక అంశాలు పేర్కొన్నారు. జేఆర్ పాత్రను కాల్చిన తుపాకీ వెనక ఉన్నదెవరో చెబితే రూ.1.30 కోట్లు ఇస్తానన్న ఓ పబ్లిషర్ నుంచి ఆ మొత్తాన్ని తీసుకుని తప్పు సమాచారం కూడా ఇచ్చారు హగ్మ్యాన్. తర్వాత దానిపై పశ్చాత్తాపం వ్యక్తం చేశారు.
ధారావాహిక ముగిసినప్పటికీ చాలాకాలం పాటు ప్రేక్షకుల బుర్రకు పదను పెట్టిన ఆ తుపాకీ వెనకున్నది జేఆర్తో అక్రమం సంబంధం సాగించిన మరదలు పాత్రధారి క్రిస్టీన్. టెక్సాస్లో 1931 సెప్టెంబరు 21న ఆయన జన్మించారు. ఆయన చిన్నతనంలో తల్లిదండ్రులు విడిపోయారు. అనంతరం తల్లి మేరీ మార్టిన్తో కలిసి లాస్ ఏంజెలిస్ వచ్చేశారు. 'ద ఎడ్జ్ ఆఫ్ నైట్', 'ఐ డ్రీమ్ ఆఫ్ జెన్నీ' ధారావాహికల్లోనూ ఆయన నటించారు. కాలిఫోర్నియాలోని పీస్ అండ్ ఫ్రీడమ్ పార్టీలో ఆయన శాశ్వత సభ్యుడు.
Continue with Google