కెరీర్ నాశనమైంది, మళ్లీ తేరుకుని కమెడియన్ రీ ఎంట్రీ, ప్రియురాలితో పెళ్లి కూడా!

గిన్నితో గతేడాది ఎంగేజ్మెంట్

గిన్నితో తన ఎంగేజ్మెంట్ జరిగినట్లు 2017 మార్చిలోనే కపిల్ శర్మ అఫీషియల్ గా ప్రకటించారు. ‘ఆమె నాలో సగం అని చెప్పను... అందుకంటే నాలో పూర్తిగా ఆమెనె ఉంటుంది. నువ్వు నా జీవితంలోకి వస్తున్నందుకు ఆనందంగా' ఉంది అంటూ ట్వీట్ చేశాడు.

డిసెంబర్లో వివాహం

ఈ ఇద్దరి వివాహం ఈ ఏడాది డిసెంబర్లో జరుగబోతున్నట్లు తెలుస్తోంది. పంజాబీ సాంప్రదాయంలో ఆర్భాటంగా వీరి పెళ్లి జరుగబోతోందని, కపిల్ హోమ్ టౌన్ అమృత్‌సర్‌లో ఈ వేడుక జరుగబోతున్నట్లు సమాచారం. త్వరలోనే ఈ విషయాన్ని అఫీషియల్‌గా ప్రకటించనున్నారు.

తిరిగి రీ ఎంట్రీ

ఒకప్పుడు హిందీ టెలివిజన్ రంగంలో తిరుగులేని కమెడియన్‌గా ఉన్న కపిల్.... తన తోటి కమెడియన్ సునీల్ గ్రోవర్‌తో వివాదాలు, వరుసగా షోలు రద్దు చేసుకోవడం లాంటి పరిణామాలతో కెరీర్ నాశనం చేసుకున్నాడు. ఆ తర్వాత డిప్రెషన్లోకి వెళ్లి మద్యానికి బానిసయ్యాడు. డిప్రెషన్ నుండి కోలుకున్న కపిల్ శర్మ తిరిగి తన సత్తా చాటేందుకు సిద్ధమవుతున్నాడు.

సునీల్ గ్రోవర్ కూడా

త్వరలో సోనీ ఎంటర్టెన్మెంట్ ఛానల్‌లో ప్రసారం అయ్యే తన కొత్త కామెడీ షోలో.... కపిల్, సునీల్ గ్రోవర్ కలిసి కనిపించబోతున్నారట. ఇద్దరి మధ్య రాజీ కుదరిందని, వివాదాలు సమసిపోయాయని తెలుస్తోంది. తన కొత్త షో గురించి కపిల్ శర్మ ట్విట్టర్ ద్వారా ఖరారు చేశారు.