హోమ్

టెలివిజన్

బిగ్‌బాస్ తెలుగు, కన్నడ హోస్ట్‌లు నాగార్జున, కిచ్చ సుదీప్ ఆసక్తికరంగా వేదికపై మాట్లాడుకొన్నారు. నాకు మీరు తెలిసినప్పటి నుంచి ఇప్పటి వరకు ఒకే రకంగా ఉన్నారు. మీరు గ్లామర్ మెయింటెయిన్ చేయడంలో మీకు మీరే సాటి అనేంత రేంజ్‌లో సుదీప్ అన్నారు. అయితే బిగ్‌బాస్ షోకు హోస్ట్‌గా వ్యవహరించడంపై మీ అనుభవాలు చెప్పండి అంటూ నాగ్ అడిగితే.. సుదీప్ ఇలా చెప్పారు.

బిగ్‌బాస్ షోకు హోస్ట్‌గా వ్యవహరించడం గొప్ప అనుభూతి. కంటెస్టెంట్ల కంటే నేను చాలా విషయాలు నేర్చుకొన్నాను. ఓపిక, సహనం నాలో కొత్తగా వచ్చాయి. భాషను, అనేక విషయాలను కొత్తగా నేర్చుకొన్నాను. అంతకంటే ఆంధ్రా, తెలంగాణ, కన్నడ ప్రేక్షకుల ప్రేమ, అభిమానాలను సొంతం చేసుకొన్నాను అంటూ సుదీప్ చెప్పారు.

బిగ్‌బాస్ షోను ప్రేక్షకులు నిశితంగా ఫాలో అవుతున్నారనే విషయం తెలిసిన తర్వాత నాకు నేను అలర్ట్ అయ్యాను. జీవితంలో కొన్ని అలవాట్లను మార్చుకొన్నాను. నా జీవితంపై భారీగా ప్రభావం చూపింది. నాలో చాలా మార్పులు వచ్చాయి అని కిచ్చ సుదీప్ అన్నారు.

సుదీప్‌తో నాగార్జున మాట్లాడుతూ.. ఇటీవల మీ సినిమా షూటింగ్ అన్నపూర్ణ స్టూడియోలో ప్రారంభమైందనే విషయాన్ని మా సిబ్బంది చెప్పారు తెలిపారు. ఇటీవల మీ ఫాంటమ్ మూవీ డైరెక్టర్ అనూప్ నన్ను కలిశారు. ఆ సినిమా కథ విన్నప్పుడు సినీ ఇండస్ట్రీని మరో లెవెల్‌కు తీసుకెళ్లే సినిమా అవుతుందని అనిపించిందని నాగ్ ప్రశంసించాడు.