అర్చన దారుణంగా ప్రవర్తించింది.. కసి తీర్చుకొన్నా.. కల్పనను టార్గెట్.. మధుప్రియ

బిగ్‌బాస్, ఫిదాతో సంతోషం

ఫిదా సినిమాలో నేను పాడిన పాటకు మంచి రెస్సాన్ రావడం ఆనందంగా ఉంది. బిగ్‌బాస్‌లో పాల్గోనడం మరింత సంతోషాన్ని ఇచ్చింది. బిగ్‌బాస్ నుంచి బయటకు వచ్చిన వెంటనే ఫిదా సినిమా చూశాను. సినిమా చాలా ఫ్రెష్‌గా ఉంది. చాలా హ్యాపీగా ఫీలయ్యాను. నేను పాటకు మంచి స్పందన రావడం మరీ ఆనందాన్ని ఇచ్చింది.

Recommended Video

Bigg Boss Telugu : Bigg Boss given Warning to Contestants

అర్చనతో గొడవ బాధకలిగించింది

అర్చనతో చిన్న విభేదాలు వచ్చాయి. హోమం దగ్గర మంటపెట్టే విషయంలో చిన్న గొడవ జరిగింది. హరితేజ వైపు పొగతో బాధపడుతుండటంతో అందరూ ఆమెకు సపోర్ట్ చేశారు. అప్పటివరకు నేను, కార్తీక పడిన కష్టం గురించి ఎవరూ పట్టించుకోలేదు. దాని గురించి ఎవరూ అడుగలేదు. కానీ హరితేజకు పొగ రావడంతో అందరు ఆమెపై సానుభూతి చూపించారు. హరితేజ పొగ వస్తుంది.. నువ్వు హరితేజ ప్లేస్‌లో కూర్చో అని అర్చన అనడం చాలా బాధ కలిగింది. కోపం కూడా వచ్చింది.

కొందరి ప్రవర్తన కారణంగానే ఏడ్చాను..

దాంతో హరితేజ నీవు ఇక్కడికి వచ్చి ఇటు కూర్చో. నాకు పొగ వచ్చిన పర్వాలేదు అని నేను అన్నాను. అందుకు జవాబుగా చూస్తే చిన్నపిల్లలా ఉంది. కానీ పొగరుగా బిహేవ్ చేస్తున్నది అని అర్చన అనడంతో ఏడుపు వచ్చింది. అందుకే ఏడ్చాను. బిగ్‌బాస్ హౌస్‌లో కొందరి ప్రవర్తన బాధ కలిగింది.

అర్చన నాతో దారుణంగా..

ఓ వైపు చెల్లెలు అంటూనే అర్చన నాతో చాలా దారుణంగా ప్రవర్తించింది. నా గురించి ఏదో మాట్లాడుకుంటూ చెవులు కొరుక్కునే వారు. బిగ్‌బాస్ హౌస్‌లో కొందరి ప్రవర్తన వల్ల నేను చాలా బాధపడ్డాను. వారి మైండ్ సెట్‌ వల్ల హౌస్‌లో అడ్జస్ట్ కాలేకపోయాను. అంతేకాకుండా కుటుంబం కూడా గుర్తుకొచ్చింది. స్వేచ్ఛగా ఉండే దానిని. బిగ్‌బాస్‌లో బంధించినట్టు అయిందనిపించింది. అందుకే బయటకు రావాలనుకొన్నాను.

వారితో మంచి రిలేషన్స్

కొద్ది రోజుల తర్వాత చాలా మందితో మంచి రిలేషన్స్ ఏర్పడ్డాయి. ఆ తర్వాత వారే ఇంటి నుంచి వెళ్ల వద్దని అడిగారు. ఒకసారి నేను వెళ్లాలని నిర్ణయం తీసుకొన్నాను. అందుకే బయటకు వచ్చాను. బిగ్‌బాస్ హౌస్ నుంచి బయటకు వచ్చినందుకు బాధలేదు

వైల్డ్ కార్డు అవకాశమొస్తే వెళ్తాను..

మళ్లీ వైల్డ్ కార్డు ద్వారా హౌస్‌లోకి వెళ్లే అవకాశం వస్తే తప్పకుండా వెళ్తాను. ఎందుకంటే నాకు హౌస్‌లో ఎలా ఉండాలో నాకు ఇప్పుడు బాగా తెలుసు. ఇంటిలో ప్రతీ విషయం, ప్రతీ వ్యక్తి ప్రవర్తన నాకు ఇప్పుడు బాగా అర్థమైంది. ఒకవేళ అవకాశం వస్తే చాలా మంచి గేమ్‌ను ఆడటానికి అవకాశం ఉంటుంది.

ప్రవర్తనలో ఎలాంటి మార్పు రాలేదు.

బిగ్‌బాస్ ఇంటికి వెళ్లకు ముందు.. బయటకు వచ్చిన తర్వాత తన ప్రవర్తనలో ఎలాంటి మార్పు రాలేదు. నన్ను ఎవరైనా బాధపడితే నేను ఏడుస్తాను. ఎందుకంటే వారిని నేను బాధపెట్టలేను.
కల్పనకు సేవకురాలిగా అర్చనను నియమించి ఆమెపై ఉన్న కసిని, పగను తీర్చుకొన్నానని అనడం సరికాదు. కానీ ఆమెపై కోపం ఉన్న మాట వాస్తవమే. కల్పనను అందరూ టార్గెట్ చేశారు. ఆమెకు మంచి చేయాలని అర్చనను సేవకురాలిగా నియమించాను.