పెళ్లిపై క్లారిటీ ఇచ్చిన మోనాల్ గజ్జర్.. నాగార్జున చిలిపి ప్రశ్నకు ఏం చెప్పిందంటే!

నా పెళ్లి తర్వాత కష్టాలు పడొద్దని

బిగ్‌బాస్‌లో విజేతకు ఇచ్చే 50 లక్షల రూపాయల ప్రైజ్ మనీపై హోస్ట్ నాగార్జున ఇంటి సభ్యులతో చర్చించారు. ఒకవేళ 50 లక్షలు వస్తే ఏం చేస్తారో చెప్పాలని సూచించాడు. ఈ సందర్భంగా మోనాల్ మాట్లాడుతూ.. తన తండ్రి మరణం తర్వాత మా బాధ్యతలన్నీ తల్లి చూసింది. ఆమె కష్టపడి మమ్మల్ని చదివించింది. 50 లక్షల ప్రైజ్ మని వస్తే నా తల్లికి ఇస్తాను. నా, నా సిస్టర్ పెళ్లి తర్వాత నా తల్లి ఎలాంటి కష్టాలు పడొద్దనే తన కోరిక అంటూ మోనాల్ చెప్పింది.

నాగార్జున జోక్యం చేసుకొంటూ..

మోనాల్ తన పెళ్లి గురించి ప్రస్తావించడంపై హోస్ట్ నాగార్జున జోక్యం చేసుకొంటూ పెళ్లి గురించి ఆలోచిస్తున్నావు.. పెళ్లి గురించి నాకు మాట్లాడేందుకు లీడ్ ఇచ్చావు. ఇంతకు పెళ్లి ఎప్పుడు అని అడగడంతో మోనాల్ సిగ్గుపడిపోయింది. ముఖానికి చేతులు అడ్డం పెట్టుకొని ముసి ముసిగా నవ్వింది.

నాగార్జున చిలిపి ప్రశ్నకు

నాకు నీ పెళ్లి గురించి ఎలాంటి ఆలోచన లేదు. కానీ నీవే పెళ్లి పెళ్లి అంటున్నావు కాబట్టి ఆ విషయం గురించి అడగాల్సి వచ్చింది అంటూ నాగార్జున చిలిపిగా సమాధానం ఇచ్చాడు. దాంతో ఇంటి సభ్యులందరూ కూడా నవ్వుల్లో మునిగిపోయారు. నీవు లీడ్ ఇచ్చావు కాబట్టే ఎప్పుడు అని అడిగాను అంటూ నాగార్జున అనడంతో మోనాల్ మళ్లీ నవ్వుల్లో మునిగిపోయింది.

Bigg Boss Telugu 4 : Rahul Sipligunj Slams Trollers

పెళ్లి అనేది ఇప్పుడు చర్చ కాదు.

పెళ్లి అనేది ఇప్పుడు చర్చ కాదు. పెళ్లి తర్వాత నా తల్లి నా మీద డిపెండ్ కాకుండా ఉండాలన్నదే నా అభిప్రాయం. పెళ్లి తర్వాత నేను ఇంటికి వెళ్తే నాకు ఎదైనా ఇచ్చేలా ఆమెను ఆర్థికంగా స్థిరంగా ఉంచాలనేది ప్లాన్. అయితే కేవలం 50 లక్షలు ఏం చేయాలన్నదే ఆలోచన. పెళ్లి గురించి ఎలాంటి ప్లాన్స్ లేవు అంటూ నాగ్‌కు మోనాల్ గజ్జర్ వెల్లడించింది.