నాగబాబుకు షాకిస్తున్న జబర్దస్త్ టీమ్.. స్కెచ్ అదిరింది.. తట్టుకోలేకపోతున్న మెగా బ్రదర్!

నాగబాబు వెళ్లారు.. ఆ తర్వాత వారానికే

జబర్ధస్త్ షో చూసే ఆడియన్స్‌లో ఎక్కువ మంది.. జబర్ధస్త్ జడ్జ్‌లుగా ఉండే నాగబాబు, రోజా నవ్వులకే అట్రాక్ట్ అయ్యేవారని, ఇప్పుడు ఈ జోడీ విడిపోయింది కాబట్టి ఇక జబర్దస్త్ తెర మసకబారే అవకాశం ఉందని చెప్పుకున్నారు. కానీ నాగబాబు వెళ్లిన వారానికే వచ్చిన టీఆర్ఫీ రిపోర్ట్స్ అందరికీ షాకిచ్చాయి.

జబర్దస్తీ పోటీ.. యుద్ధ వాతావరణం

మరోవైపు నాగబాబు.. వేరొక ఛానెల్‌లో ప్రసారమవుతున్న 'అదిరింది' షోకి జడ్జ్‌గా వ్యవహరిస్తున్నారు. ఇటీవలే ఈ షో ప్రారంభమైంది. చాలామంది జబర్దస్త్ కమెడియన్స్ ఇందులోకి షిఫ్ట్ అయ్యారు. ఈ షో కాన్సెప్ట్ కూడా జబర్దస్త్ కాన్సెప్టే కావడంతో ఈ రెండు షోల మధ్య పోటీ తీవ్రతరమై యుద్ధ వాతావరణం నెలకొంది.

జబర్దస్త్ షోతో అదిరింది పోలిక.. హాట్ ఇష్యూ

జబర్దస్త్, అదిరింది షోల మధ్య పోలికలు, నాగబాబు పరిస్థితి గురించి విశ్లేషణలు మొదలయ్యాయి బుల్లితెర ప్రేక్షకుల్లో. ఈ మేరకు టీఆర్ఫీ రేటింగ్స్ నుంచి మొదలుకొని అన్ని విషయాల్లోనూ జబర్దస్త్ షోతో అదిరిందిని పోలుస్తున్నారు. సేమ్ టూ సేమ్ ఫార్మాట్ కావడం పైగా జబర్దస్త్ నుంచి వెళ్లిపోయిన టీం లీడర్స్ అదిరిందిలో స్కిట్స్ వేస్తుండటం ఈ పోలికలకు ప్రధాన కారణమైంది.

నాగబాబు వెళ్ళాడు.. సరే! మొదట ఎలా ఉన్నా..

నాగబాబు వెళ్ళాడు కాబట్టి ఎన్నో అంచనాల నడుమ ప్రారంభమైంది అదిరింది షో. కానీ ఆశించిన రేటింగ్ రాబట్టకపోవడం అందరికీ షాకిస్తోంది. సరే! మొదట ఎలా ఉన్నా మెల్లగా పుంజుకుంటుందని ఆశించారు నిర్వాహకులు. బట్ అలాంటిదేం జరగడం లేదని తెలుస్తోంది. అదిరింది షో కేవలం 3.5 రేటింగ్ మాత్రమే నమోదు చేయడం దీనికి ప్రూఫ్ అని చెప్పుకోవచ్చు.

నాగబాబు సక్సెస్ కానట్లే!

మరోవైపు జబర్దస్త్ మాత్రం అదే జోష్ కంటిన్యూ చేస్తోంది. నాగబాబు వెళ్ళాక కూడా కనీసం 9 టీఆర్ఫీ మెయింటేన్ చేస్తూ దూసుకుపోతోంది. ఈ రిపోర్ట్స్ చూసిన జనం.. జబర్దస్త్ వీడిన నాగబాబు అనుకున్న మేర సక్సెస్ కానట్లే అని చెప్పుకుంటున్నారు. జబర్దస్త్ బాగబాబుగానే తమకు ఆయన కిక్కిచ్చారని అంటున్నారు.

జబర్దస్త్ స్కెచ్ అదిరింది

ఇదిలా ఉంటే జీ తెలుగులో నాగబాబు అదిరింది షో ప్రసారమయ్యే సమయానికి జబర్దస్త్ టీమ్ కూడా రంగంలోకి దిగడం మరో ఆసక్తికర అంశంగా మారింది. సరిగ్గా అదిరింది షో ప్రసారమయ్యే సమయంలో ఈటీవీ తెరపై జబర్దస్త్ పాత స్కిట్స్ కొంచెం ఎడిట్ చేసి ప్రసారం చేస్తున్నారు. దీంతో వీటికే డిమాండ్ ఎక్కువగా కనిపిస్తోంది. అంటే ఈ రకంగా జబర్దస్త్ స్కెచ్ అదిరింది అని చెప్పుకోవచ్చు కదూ!.