హోమ్

టెలివిజన్

హైదరాబాద్: సినిమాల్లో కారు ప్రమాదాలు జరిగినపుడు, లేదా కారు మంటల్లో చిక్కుకున్నపుడు హీరో వీరోచితంగా అద్దాలు బద్దలు కొట్టి తప్పించుకోడం, ఎవరినైనా కాపాడటం చేస్తుంటారు. కానీ నిజజీవితంలో కూడా ఇలాంటివి చేయాలంటే రియల్ హీరో అయి ఉండాలి. తాజాగా అలాంటి సంఘటనే ఒకటి జరిగింది.

స్వరాగిణి, ఏక్ నయీ పెహ్‌చాన్ వంటి సీరియల్స్‌లో హీరోగా నటించిన హిందీ సీరియల్ నటుడు నమీష్ తనేజా కారు పెట్రోల్ లీకేజ్ కావడంతో మంటల్లో కాలిపోయింది. అయితే పెట్రోల్ లీకైన విషయం ముందుగానే గమనించిన నమిష్ కారులో నుంచి బయటకు రావడానికి ప్రయత్నించాడు. అయితే పొరపాటున సెంటర్ లాకింగ్ సిస్టమ్ ఆన్ అవడంతో విండోస్ ఓపెన్ కాలేదు.

దీంతో కారులో చిక్కుకుపోయిన నమీష్ వీరోచితంగా అద్దాలను బద్దలుకొట్టి బయట పడ్డారు. ఇటీవల ఓ ఇంటర్వ్యూలో ఈ ప్రమాదం గురించిన విషయం వెల్లడించిన నమీస్ ఇది తనకు పునర్జన్మేనని చెప్పుకొచ్చారు.