ఇక్కడ బిగ్ బాస్ గ్రాండ్ ఫినాలే.. అక్కడ దుమ్ములేపుతూ కౌశల్, రాహుల్ ట్విస్ట్

సుమ స్పెషల్ షో..

సుమ తాజాగా ఓ స్పెషల్ షోను నిర్వహిస్తోన్న సంగతి తెలిసిందే. సుమ, యాంకర్ రవి కలిసి బిగ్ సెలెబ్రిటీ చాలెంజ్ అనే ఓ కొత్త షోను హోస్ట్ చేయబోతోన్నారు. ఇప్పటికే రిలీజ్ చేసిన ప్రోమోలు బాగా క్లిక్ అయ్యాయి. సుమ, రవి పంచ్‌లు, సెటైర్లు బాగానే వైరల్ అవ్వడంతో షో మీద హైప్ పెరిగింది.

కాన్సెప్ట్ అదే..

బిగ్ సెలెబ్రిటీ చాలెంజ్ షోలో సెలెబ్రిటీలు గెస్ట్‌లు వస్తుంటారు. మరో వైపు పార్టిసిపెంట్స్ కూడా ఉంటారు. సెలెబ్రిటీలు ఇచ్చే చాలెంజ్‌లను అవతల ఉన్న పార్టిసిపెంట్‌లు చేస్తుంటారు. అందులో సాహసం చేయర డింభకా కాన్సెప్ట్‌లు, డ్యాన్సులు ఇలా రకరకాల టాస్కులు ఉండబోతోన్నట్టు తెలుస్తున్నాయి. మొత్తానికి ఈ షో షూటింగ్ స్టార్ట్ అయింది.

మొదటి గెస్ట్‌లు..

అయితే ఈ షోకు సంబంధించి మొదటి గెస్ట్‌లు.. బిగ్ బాస్ విజేతలను తీసుకొచ్చినట్టున్నారు. కౌశల్, రాహుల్ సిప్లిగంజ్ బిగ్ సెలెబ్రిటీ చాలెంజ్ సెట్‌లో రచ్చ చేస్తున్నారు. వీటికి సంబంధించిన ఫోటోలను కౌశల్ తాజాగా షేర్ చేశాడు. బిగ్ బాస్ ఫినాలె ఎపిసోడ్ రోజున.. బిగ్ సెలెబ్రిటీ చాలెంజ్ కోసం బీబీ2, బీబీ3 విన్నర్ కలిస్తే ఎలా ఉంటుంది అంటూ ఓ పోస్ట్ పెట్టాడు.

అందరూ షాక్..

అయితే కౌశల్ షేర్ చేసిన ఈ ఫోటోలు జీ తెలుగు అనే హ్యాష్ ట్యాగ్ పెట్టడం, మళ్లీ బిగ్ బాస్ తెలుగు అనే హ్యాష్ ట్యాగ్ పెట్టడంతో అందరూ తికమకపడ్డారు, మధ్యలో జీ తెలుగు ఎందుకు వచ్చిందంటూ ఆశ్చర్యపోయారు. అయితే అది సుమ నిర్వహించే బిగ్ సెలెబ్రిటీ ఛాలెంజ్ షో కోసం గెస్ట్‌లు వెళ్లారని తెలుసుకోవడంతో అందరూ నోరెళ్లబెట్టారు.