నన్ను కంట్రోల్ చేస్తుంటాడు.. అనిల్ రావిపూడిపై రాజేంద్ర ప్రసాద్ కామెంట్స్

బుల్లితెరపై అలా..

ఈ మధ్య సినిమా యూనిట్ తమ ప్రమోషన్స్‌లో భాగంగా జబర్దస్త్, క్యాష్, బిగ్ సెలెబ్రిటీ చాలెంజ్ వంటి షోల్లోనే కనిపిస్తున్నారు. కామెడీ స్టార్స్, స్టార్ట్ మ్యూజిక్ వంటి షోలోనూ సందడి చేస్తున్నారు. హీరో హీరోయిన్లు, దర్శకుడు ఇలా అందరూ వచ్చి కాసేపు అందరినీ ఎంటర్టైన్ చేసి తమ సినిమా గురించి నాలుగు మాటలు చెప్పి వెళ్లిపోతోన్నారు.

గాలి సంపత్ యూనిట్..

అలా తాజాగా గాలి సంపత్ యూనిట్ ఈ ఆదివారం బుల్లితెరపై రచ్చ చేయబోతోన్నారు. ఈ క్రమంలో రాజేంద్ర ప్రసాద్, శ్రీ విష్ణు, అనిల్ రావిపూడి వంటి వారంతా కూడా కామెడీ స్టార్స్ షోలో సందడి చేసేందుకు వచ్చారు. ఈ మేరకు ఓ ప్రోమోను విడుదల చేశారు.

రాజేంద్ర ప్రసాద్ రచ్చ..

ప్రస్తుతం గాలి సంపత్ హవా ఓ రేంజ్‌లో ఉంది. ఇప్పటికే విడుదల చేసిన సాంగ్స్, టీజర్, ట్రైలర్ అన్నీ కూడా క్లిక్ అయ్యాయి. మరీ ముఖ్యంగా ఫీ ఫీ ఫీ అంటూ వదిలిన పాట అందులో రాజేంద్ర ప్రసాద్ వేసిన ఐకానిక్ స్టెప్పులు బాగానే క్లిక్ అయ్యాయి. అవే స్టెప్పులు వేసుకుంటూ కామెడీ స్టార్స్‌లో ఎంట్రీ ఇచ్చారు.

అలా కామెంట్లు..

నవ్వించడంలో ఎంతో మంది గొప్పవాళ్లు ఉన్నారు.. అందులో నేను కూడా ఉన్నానని అనుకుంటున్నాను అంటూ రాజేంద్ర ప్రసాద్ చెప్పుకొచ్చాడు. అందరి కంటే ఎక్కువగా నేనే అల్లరి చేస్తాను కానీ అనిల్ రావిపూడి కంట్రోల్ చేస్తాడని తమ మధ్యఉన్న బంధం గురించి రాజేంద్ర ప్రసాద్ చెప్పుకొచ్చాడు.

కాంబోలో సినిమాలు..

అనిల్ రావిపూడి సినిమాలు అంటే కచ్చితంగా రాజేంద్ర ప్రసాద్ ఉండి తీరాల్సిందే. మొదటి చిత్రం పటాస్ తప్పా అనిల్ తీసిన ప్రతీ సినిమాలో రాజేంద్ర ప్రసాద్ ముఖ్య మైన పాత్రలను పోషించాడు. అలా ఈ ఇద్దరి కాంబోకు సపరేట్ ఆడియెన్స్ ఉన్నారు.