ఎక్స్‌ఫోజింగ్ లొల్లి: నాగబాబు కామెంట్లపై యాంకర్ రష్మి, అనసూయ రియాక్షన్!

రష్మి ఏమన్నారంటే...

ఆడవారైనా, మగవారైనా.... కేవలం వారు వేసుకునే దుస్తులను బట్టి జడ్జ్ చేయడం సరికాదు. ఒక పుస్తకం కవర్ పేజీ చూసి దాని అంచనా వేయడం ఎంత తప్పో... వ్యక్తుల వస్త్రధారణ బట్టి వారిని జడ్జ్ చేయడం అంతే తప్పు అని రష్మి తెలిపారు. తమ లాంటి వారికి మద్దతుగా నిలిచిన నాగబాబుకు ఆమె కృతజ్ఞతలు తెలిపారు.

రష్మికి ఎన్నో చేదు అనుభవాలు

డ్రెస్సింగ్ విషయంలో రష్మికి గతంలో ఎన్నో చేదు అనుభవాలు ఎదురైన సంగతి తెలిసిందే. డ్రెస్సింగ్ చాలా ఓవర్‌గా ఉందని, ఇంత ఎక్స్ ఫోజింగ్ చేయడం అవసరమా? అంటూ ఆమెను వేధించిన సందర్భాలు అనేకం. ఈ నేపథ్యంలో నాగబాబు లాంటి వారు సపోర్టుగా నిలవడం రష్మికి ఊరటనిచ్చింది.

అనసూయ కూడా...

నాగబాబు వ్యాఖ్యలపై యాంకర్, నటి అనసూయ కూడా రియాక్ట్ అయ్యారు. ఆయనపై గౌరవం మరింత పెరిగిందని తెలిపారు. అనసూయ కూడా డ్రెస్సింగ్ విషయంలో తరచూ విమర్శలు, సోషల్ మీడియాలో ట్రోలింగ్ ఎదుర్కొంటున్న సంగతి తెలిసిందే.

ముందు మీ వక్రబుద్ది మార్చుకోండి

కొందరు ఇంకా పాత బూజుపట్టిపోయిన సాంప్రదాయాలను పట్టుకుని గబ్బిలాల్లా వేలాడుతున్నారు. ఒక ఆడపిల్ల లేదా సినిమా నటి పొట్టి డ్రెస్ వేసుకుంది అని మాట్లాడుతున్నారే.... మీ దృష్టి వారి డ్రెస్సు మీదకు ఎందుకు వెళుతుంది? అమ్మాయి క్లీవేజ్ కనబడుతుంది, అమ్మాయి తొడలు కనబడుతున్నాయి, అమ్మాయి బొడ్డు కనబడుతుంది ఈ దృష్టి మీకు ఎందుకు వచ్చింది? ముందు మీ వక్రబుద్రి మానుకోండి. మీ నీచమైన బుద్ది నుంచి బయట పడండి. మీరు కావాల్సింది చూసేసి నాలుకలు చప్పరించేసి... స్టేజీమీదకు వచ్చి అది తప్పు అంటూ కబుర్లు చెప్పడం ఇప్పటికైనా మానండి. డ్రెస్సింగ్ అనేది ఆడవారి ఇష్టం. వారు నగ్నంగా రోడ్ల మీద తిరిగితే చూసుకోవడానికి చట్టాలున్నాయని నాగబాబు వ్యాఖ్యానించిన సంగతి తెలిసిందే.