పాపం సంపూ కి 16 లక్షల ఫైన్? ఆ ఫోబియా వల్లనే సంపూర్ణేష్ అక్కడ ఉండలేకపోయాడా??

కంటతడి పెట్టుకున్నాడు

కెప్టెన్సీ బాధ్యతల నుంచి తప్పించిన మరుసటి రెండు రోజుల్లో సంపూర్ణేష్ పూర్తిగా డీలాపడిపోయాడు. కాస్త ఒత్తిడికి గురవడంతో ఏకంగా కంటతడి పెట్టుకున్నాడు. ఓసారి ఛాతీలో కాస్త నొప్పిగా ఉందని, మెడిసిన్ల వాడకంతో సైడ్ ఎఫెక్ట్స్ వస్తున్నాయని ఆందోళన పడ్డాడు. దీంతో 'బిగ్ బాస్'గారు నన్ను ఇంటికి పంపించండి. అందుకు నేను సిద్ధంగా ఉన్నానంటూ విజ్ఞప్తి చేసుకున్నాడు.

Recommended Video

Bigg Boss Telugu: Sampoornesh Babu Cries For Elimination

ధన్‌రాజ్

షోలో మరో సభ్యుడు ధన్‌రాజ్ చొరవ తీసుకుని . టెన్షన్ పడవద్దని, అంతా మంచి జరుగుతుందని నచ్చజెప్పి కూర్చోబెట్టాడు. ఒకవేళ నిజంగానే ఇంటికి వెళ్లాలని ఉంటే మాత్రం మరుసటి వారం అందరితో చెప్పి ఎలిమినేషన్‌లో సంపూ పేరు వచ్చేలా చేస్తామన్నారు.

ఇష్టం వచ్చినట్టు తిట్టిపోసి

తగిన వైద్య సౌకర్యాలు కల్పిస్తామని సంపూర్ణేష్‌కు 'బిగ్ బాస్' హామీ ఇవ్వడంతో కాస్త కంట్రోల్ అయినట్టే కనిపించినా ఆ రెండో రోజు మాత్రం మామూలుగా కాదు ఒక రేంజిలో రియాక్టయ్యాడు. బిగ్‌బాస్‌ను ఇష్టం వచ్చినట్టు తిట్టిపోసి బయటకు వచ్చేశాడు.

పెద్దనష్టమే ఉండబోతోందట

బిగ్ బాస్ షోలో వాతావరణం నచ్చలేదని, తాను ఉండలేకపోతున్నానని ఒక్కసారిగా ఆవేశానికి లోనైన సంపూర్ణేష్ బాబు బిగ్ బాష్ షోకు ఓ నమస్కారం అంటూ.. ఈ షోలో తాను వుండలేనని హౌస్ నుంచి వచ్చేశాడు. అయితే దీనివల్ల సంపూకి పెద్దనష్టమే ఉండబోతోందట.

కాంట్రాక్ట్ ఉంటుంది

నిజానికి ఈ బిగ్‌బాస్ హౌస్ లో ఉన్నందుకు.. ఎన్ని రోజులు ఉంటే అన్ని రోజులకు గాను రోజుకు ఇంత అంటూ సెలబ్రిటీలకు రెమ్యూనరేషన్ కూడా అందుతోంది. కాకపోతే బయటకు వెళ్ళిపోవాలంటే మాత్రం.. అది కేవలం బిగ్ బాస్ షో నుండి ఎలిమినేట్ అయితే తప్పించి.. ఖచ్చితంగా ఎవరికి వారు మాత్రం వెళ్లకూడదు. అలా వెళ్లకుండా కాంట్రాక్ట్ కూడా ఉంటుంది.

సూసైడ్ చేసుకుంటా

కాకపోతే ఇప్పుడు నన్ను పంపకపోతే సూసైడ్ చేసుకుంటా అంటూ బెదిరించి సంపూర్ణేష్ బాబు బయటకు వెళ్ళిపోయాడు. అందుకు మనోడు కాంట్రాక్ట్ ఉల్లంఘించినట్లే కాబట్టి.. ఫైన్ కట్టాల్సిందేనట. మనోడు ఉన్న రోజులకూ.. ఇప్పుడు వెళిపోయిన దానికి లెక్కగట్టి.. మనోడ్ని ఒక 16 లక్షల ఫైన్ కట్టమనే ఛాన్సుందని టాక్ వినిపిస్తోంది.

70 రోజులు ఉంటే 70 లక్షలు

అసలు చివరకు వరకు కనుక సంపూర్ణేష్ కొనసాగి ఉండుంటే.. గెలిచిన ప్రైజ్ మనీ సంగతేమో కాని.. ఏకంగా 60 రోజులు ఉంటే 60 లక్షలు.. 70 రోజులు ఉంటే 70 లక్షలు డబ్బులు వచ్చేవట. మరి అవన్నీ వదిలేసుకుని ఎందుకిలా మనోడు సడన్ గా బిగ్ బాస్ కు బ్రేకప్ చెప్పాశాడో మనోడికే తెలియాలి.

క్లాస్ట్రోఫోబియా

అయితే ఆ హౌస్ లో ఉండటం కూడా అంత ఈజీ పని కాదన్నది విశ్లేషకుల మాట. ఇప్పటికే బిగ్ బాస్ హౌస్లో ఉన్న వాళ్ళలో క్లాస్ట్రో ఫోబియా లక్షణాలు కనిపిస్తున్నాయన్నది ఆందోళనకు గురి చేసే అంసం. కిటికీలు లేని గదుల్లో, లిఫ్ట్‌లలో, జన సమూహాల్లో ఊపిరాడని భావనను ‘క్లాస్ట్రోఫోబియా' అంటారు.