Click it and Unblock the Notifications
14వ ఏటే లైంగిక వేధింపుల అనుభవం ఉందన్న టీవీ నటి
సాక్షి మాట్లాడుతూ... ''రాజధానిలో డీటీసీ బస్సులో ప్రయాణం అంత సులభం కాదు, 14వ ఏటే లైంగిక వేధింపులు అంటే ఏమిటో తెలుసుకున్నా'' అని తెలిపారు. ముంబైలోని ఓ కార్యక్రమంలో ఆమె మాట్లాడుతూ ఇలా స్పందించారు. అయితే నా కుటుంబం నాకు తోడు ఉన్నా సరైన అవగాహన లేకపోవటంతో ఇలాంటివి ఎదుర్కోలేకపోయానని గతం గుర్తు చేసుకున్నారు.
ఆ సంఘటనను గుర్తు చేసుకుంటూ.... ''ఆ రోజు నాకు ఇంకా గుర్తుంది. ఆ వ్యక్తి అలా అసభ్యంగా ప్రవర్తించగానే ఇంటికి వెళ్లి ఏడ్చాను. అప్పుడు, అమ్మా, అక్కా ఏం జరిగిందని అడిగారు. జరిగింది చెప్పిన తర్వాత ఆ సమయంలో ఎందుకు వాడిని కొట్టలేదు? గట్టిగా ఎందుకు అరవలేదు అని అడిగారు. కానీ, అలాంటి సందర్భాలను ఎలా ఎదుర్కోవాలో నాకు అప్పట్లో అవగాహన లేదు. ఆ సంఘటన తర్వాత ఎవరైనా అసభ్యంగా ప్రవర్తిస్తే మౌనంగా ఉండలేదు అన్నారు.
ఇక ఈ విషయంలో నా కుటుంబ సభ్యుల అండగా ఉండటం కూడా ధైర్యాన్ని ఇచ్చింది. ప్రతి ఒక్కరూ తమ అమ్మాయికి తగిన సూచనలు ఇవ్వాలి. ఈవ్ టీజింగ్లను చూసీ చూడనట్లు వదిలేయాలని కొంతమంది తమ అమ్మాయిలకు చెబుతారు. ఆ మార్గంలో వెళ్లొద్దని అంటారు. అయితే 'మార్గాలు, దుస్తులు, సమయాన్ని మార్చడం అనేది సరైన పరిష్కారం కాదు' అని సాక్షి తెలిపారు.
Continue with Google