‘వదినమ్మ’ ఫేమ్ ప్రియాంక పెళ్లి.. కోరుకున్న ప్రియుడితో మూడు ముళ్లు

పెళ్లిళ్లతో బిజీగా..

టాలీవుడ్ మొత్తం పెళ్లిళ్లతో సందడిగా మారింది. రానా మిహీక పెళ్లితో దగ్గుబాటి కుటుంబం, నిహారిక పెళ్లితో మెగా ఫ్యామిలీ, నందమూరి బాలకృష్ణ సోదరుడి కుమారుడి పెళ్లితో ఆ ఫ్యామిలీ బిజీగా ఉంది. నిఖిల్, నితిన్ వంటి హీరోల పెళ్లిళ్లతో టాలీవుడ్ మొత్తం సందడిగా మారింది.

ఉన్నంతలోనే..

బ్రోచేవారెవరురా సినిమా డైరెక్టర్ వివేక్ ఆత్రేయ, జబర్దస్త్, రంగస్థలం ఫేమ్ మహేష్, సిరివెనెన్న సీతారామశాస్త్రి కుమారుడు రాజాచెంబోలు ఇలా ఎంతో మంది మూడు ముళ్లు వేసి కొత్త జీవితాన్ని ప్రారంభించారు. అయితే కోవిడ్ నిబంధనలు మేరకు ఉన్నంతలోనే ఘనంగా వివాహా వేడుకలను జరిపారు.

సింగర్ సునీత సైతం..

హీరోలే కాకుండా హీరోయిన్లు, సింగర్లు కూడా వివాహాం చేసుకుని కొత్త జీవితాన్ని ప్రారంభించారు. కాజల్ అగర్వాల్ తన ప్రియుడు గౌతమ్ కిచ్లూని వివాహాం చేసుకుని సెటిలైంది. మరో వైపు సింగర్ నేహా కక్కర్ కూడా పెళ్లి చేసుకుంది. సింగర్ సునీత కూడా రెండో పెళ్లికి సిద్దమైంది. ఈ మధ్యే నిశ్చితార్థం కూడా జరిగింది. జనవరి మొదటి వారంలో పెళ్లి జరగనున్నట్టు తెలుస్తోంది.

వదినమ్మ సీరియల్ ఫేమ్ ప్రియాంక..

వదినమ్మ సీరియల్‌లో సిరి పాత్రను పోషిస్తూ.. తెలంగాణ యాసలో అదరగొట్టే ప్రియాంక నాయుడు పెళ్లికి సిద్దమైంది. సీరియల్ నటుడు మధు బాబుతో ఇన్నేళ్లుగా కొనసాగిస్తున్న ప్రేమ బంధం ఇక మూడు ముళ్ల బంధంగా మారబోతోంది. హల్దీ,మెహెందీ ఈవెంట్లలో ప్రియాంక ఫోటో షూట్లు నెట్టింట వైరల్ అవుతున్నాయి.

పెళ్లి వేడుకల్లో బిజీగా..

ఇక సీరియల్‌లో నటించే తోటీ ఆర్టిస్ట్‌లతోపెళ్లి వేడుకలు ఘనంగా జరుగుతున్నాయి. మధు బాబు ప్రియాంక ప్రేమ కహానికి సంబంధించిన వీడియోలు, ప్రీ వెడ్డింగ్ ఫోటో షూట్లు, వీడియోలు బాగానే వైరల్అవుతున్నాయి. మొత్తానికి ఈ ఏడాదిలో ఇలా ఈ బుల్లితెర జంట కూడా ఒక్కటి కాబోతోంది.