Vadinamma : మాస్టర్ ప్లాన్ వేసిన సీత.. మళ్ళీ రెచ్చిపోయిన శైలు?

20 రూపాయల కోసం

తన షాప్ ఓనర్ భార్య ఫోన్ చేసి మందులు తీసుకురమ్మని చెప్పిన సంగతి అర్థం చేసుకున్న రఘురాం షాప్ ఓనర్ తో మాట్లాడి మందులు తీసుకుని ఇవ్వాలి అని బయలుదేరి వెళతాడు. అయితే షాపు యజమాని 20 రూపాయలు ఇచ్చి షేర్ ఆటోలో వెళ్లి మందులు ఇచ్చి చెబితే తాను నడిచి వెళితే ఆ ఇరవై రూపాయలు కూడా కలిసి వస్తాయి కదా అని రఘు నడిచి వెళ్ళడానికి సిద్ధం అవుతాడు.

అలా నడిచి వెళ్ళిన తర్వాత ఇంటికి చేరుకోవడానికి చాలా సమయం పడుతుంది. చాలా దూరం నడవడంతో రఘురాం కాళ్ళు నొప్పులు వస్తాయి. ఆ ఇంటి పని మనిషి వచ్చి ఇంత సేపు ఆలస్యంగా వచ్చారు ఏమిటి మా యజమాని ఎప్పుడో మందులు పంపించారట కదా అని అడిగితే తాను 20 రూపాయలు మిగుల్చుకుందాం అనే ఉద్దేశంతో ఇంత దూరం నడిచి వచ్చాను అని చెబుతాడు.

కాళ్ల నొప్పులతో

ఏంటో నీ పైత్యం అనుకుంటూ ఆమె లోపలికి వెళ్లగానే రఘురాం వచ్చి కాళ్ల నొప్పులతో బాధపడుతున్న విషయాన్ని సీత బయటి నుంచి చూసి అర్థం చేసుకుంటుంది. ఆమె స్వయంగా మంచి నీళ్లు కాఫీ తీసుకు వెళ్లి రఘురాంకి ఇస్తుంది. కాఫీ తాగిన వెంటనే అది సీత చేతికి కాఫీలాగా అనిపిస్తుంది కానీ ఎక్కడ వెతికినా ఆమె మాత్రం కనిపించదు.

అయితే సీత ఇక్కడ పని చేయడానికి వచ్చింది అనే విషయం అర్థం చేసుకున్న తర్వాత రఘురాం నెమ్మదిగా షాప్ కి వెళ్ళాడు. మరోపక్క ఎలా అయినా ప్రాజెక్టు పూర్తి చేసి రెండు లక్షల రూపాయలు సంపాదించాలనే ఉద్దేశంతో లక్ష్మణ్, శైలు, నానీ శిల్పా అందరూ లాప్ టాప్ లు పట్టుకుని కుస్తీ పడుతుంటారు. మరోపక్క సిరి బట్టలు కుడుతూ బిజీ బిజీగా ఉంటుంది. వాళ్లందరికీ కాఫీలు టీలు పెట్టి ఇవ్వడానికి వచ్చిన లింగం కాస్త హడావిడి చేసి అందరినీ నవ్విస్తూ ఉంటాడు.

గుర్తు పట్టిన రఘురాం

ఇక రాత్రి కావడంతో అందరూ ఎవరి గదుల్లోకి వారు పడుకోవడానికి వెళతారు. కానీ భారత్ మాట్లాడాలి అనే ఉద్దేశంతో రఘురాం అన్నయ దగ్గరికి వెళ్లడానికి ప్రయత్నిస్తూ వుండగా రఘురాం పడుకుని ఉంటాడు. సీత ఆయన కాళ్ళ పడుతూ ఉంటుంది. అలా కాళ్లు పడుతూ ఉండగా రేసు లేని ఒళ్ళు నొప్పులు ఈ రోజు ఎందుకు వచ్చాయి అని అడుగుతుంది. అదేమీ లేదని రఘురామ్ అంటాడు.

అలా అని వెళ్ళిపోతున్న క్రమంలో 100 కాఫీల మధ్యలో కూడా నేను నా సీత కాఫీ ఎలా ఉంటుందో గుర్తు పట్టగలను నువ్వు ఆ ఇంట్లో పని చేస్తున్నావు అన్న సంగతి నాకు అర్థమైంది కానీ నేను నీ నోటితో చెప్పించాలని ప్రయత్నించాను నువ్వు నేను చేసిన పని అర్థం చేసుకున్నావ్ కానీ నువ్వు చేసిన పని మాత్రం బయట పెట్టడం లేదు అని రఘురాం బాధపడతాడు.

పిల్లల కోసమే కదా

ఈ విషయం మాట్లాడిన తర్వాత సీత ఈ చాలెంజ్ ఇక్కడితో ఆపేద్దాం అంటుంది అయితే రఘు మాత్రం అందుకు ఒప్పుకోకుండా ఒకప్పుడు నేను ఇంత కంటే కష్టపడి ఇంటికి వచ్చే వాడిని అని చెప్పుకొచ్చాడు. ఆ సమయంలో నేను బాధపడుతుంటే నువ్వు ధైర్యం చెప్పే దానివి అప్పుడు ఎందుకు సరిగా పనిచేయడం లేదు అని కూడా అడిగే దానివి మరి ఇప్పుడు ఏమైంది అంటే అప్పుడు మన పిల్లల కోసం పని చేయమని అడిగే దానిని అంటే ఇప్పుడు కూడా మన పిల్లల కోసమే కదా నేను కష్టపడేది అన్నాడు రఘురాం.

కొత్త ప్లాన్

వాళ్ళ సంభాషణ విన్న తర్వాత సిరి భరత్ ఇద్దరూ బాధపడతారు. ఇక మీదట తామిద్దరం బయటకు వెళ్లి రఘురాం, సీత ఇంట్లోనే ఉండేలాగా చూసుకోవాలి అని వారు భావిస్తారు. అలా ప్లాన్ చేస్తూ ఉండగా ఈరోజు ఎపిసోడ్ ముగించారు. ఇక తరువాతి ఎపిసోడ్ కమింగ్ అప్ లో చూపిస్తున్న దాని ప్రకారం సీత వాళ్ళు దాచిన హుండీ పగల కొట్టి ఆ డబ్బులు అన్నీ తీసి పిండి వంటలు చేసి జాతరలో అమ్మాలి అని నిర్ణయించుకుంటారు.

అలా వాళ్ళు పిండివంటలు చేస్తూ ఉండగా బాబు నడుచుకుంటూ రావడం వచ్చి రఘురాం ఒడిలో కూర్చోవడం జరుగుతుంది ఆ విషయాన్ని చూసి శైలు తీవ్రస్థాయిలో ఫైర్ అవుతున్నట్లు చూపించారు.