అల్లు అర్జున్-త్రివిక్రమ్ మూవీ సెట్లోకి ఎంటరైన టబు, ఈ టీజర్ చూశారా..

స్టైలిష్ స్టార్‌ అల్లు అర్జున్‌ హీరోగా ప్రముఖ దర్శకుడు త్రివిక్రమ్‌ డైరెక్షన్లో ఓ మూవీ రూపొందుతున్న సంగతి తెలిసిందే. ఇంకా టైటిల్ ఖరారు కాని ఈ చిత్రాన్ని ప్రస్తుతం 'AA19' పేరుతో పిలుస్తున్నారు. పూజా హెగ్డే హీరోయిన్. ఇందులో సీనియర్ నటి టబు కీలక పాత్రలో పోషిస్తున్నారు.

టబు ఇటీవల ఈ మూవీ షూటింగులో జాయిన్ అయ్యారు. ఈ సందర్భంగా చిత్ర బృందం ఆమె లుక్ రివీల్ చేస్తూ ఓ టీజర్ విడుదల చేశారు. టబుకు స్వాగతం పలుకుతూ దీన్ని డిజైన్ చేశారు. ఈ వీడియోలో ఆమె ప్రేక్షకులకు హాయ్ చెబుతూ, డైలాగ్ ప్రాక్టీస్ చేస్తూ చీరకట్టులో కనిపించారు.

టబు టీజర్ ఆకట్టుకునే విధంగా ఉంది. దాదాపు పదేళ్ల గ్యాప్ తర్వాత ఆమె తెలుగులో సినిమా చేస్తున్నారు. అత్తారింటికి దారేది మూవీలో నదియా తరహాలో ఈ సినిమాలో ఆమె పాత్ర హైలెట్ అయ్యేలా ఉంటుందట.

గతంలో త్రివిక్రమ్‌తో కలిసి జులాయి, సన్నాఫ్ సత్యమూర్తి చిత్రాలు చేసిన అల్లు అర్జున్ తన 19వ సినిమాతో మూడో సారి మాటల మాంత్రికుడితో కలిసి పని చేస్తున్నారు. ఈ మూవీని హారిక అండ్ హాసిని క్రియేషన్స్. గీతా ఆర్ట్స్ సంయుక్తంగా నిర్మిస్తున్నారు.

ఈ చిత్రంలో అల్లు అర్జున్, జయరాం, పూజా హెగ్డే, నివేదా పేతురాజ్, టబు, నవదీప్, సుశాంత్, సత్యరాజ్, సునిల్, రాజేంద్రప్రసాద్, రాహుల్ రామకృష్ణ, బ్రహ్మాజీ, రాము రమేష్, మురళీ శర్మ, వెననెల కిషోర్, బ్రహ్మానందం నటిస్తున్నారు. తమన్ సంగీతం అందిస్తున్నారు.