హోమ్

లేటేస్ట్ న్యూస్

టాలీవుడ్ సీనియర్ నటి విజయ నిర్మల బయోపిక్ కూడా తెరపైకి రానున్నట్లు ఇటీవల వార్తలు వచ్చిన విషయం తెలిసిందే. ఆమె తనయుడు నరేష్ కూడా బయోపిక్ కోసం సిద్ధమవుతున్నట్లు మీడియాకు కూడా వివరణ ఇచ్చారు. గత ఏడాది నుంచి ఈ విషయంపై అనేక రకాల రూమర్స్ వస్తున్నాయి. ఇక ఫైనల్ గా విజయ నిర్మల బయోపిక్‌కి సంబంధించిన స్క్రిప్ట్ పనులు జరుగుతున్నట్లు నరేష్ తెలియజేసారు.

నరేష్ మాట్లాడుతూ.. తన బయోపిక్ కోసం స్క్రిప్ట్ రెడీ చేయమని నా తల్లి నన్ను కోరింది. గత కొంత కాలం నుంచే ఆమె కథను రాయడం ప్రారంభించాను, కానీ ఆమె ఆరోగ్యం క్షీణించిన తరువాత స్క్రిప్ట్ వర్క్ ఆపేయాల్సి వచ్చింది. అత్యుత్తమ వ్యక్తిత్వానికి సంబంధించిన బయోపిక్‌కు చాలా పరిశోధనలు చేయాలి, అలాగే ఎన్నో వివరాలను సేకరించాల్సి ఉంటుంది" అని నరేష్ ఇటీవల ఇచ్చిన ఇంటర్వ్యూలో మాట్లాడారు.

ఇకపోతే విజయ నిర్మల పాత్రలో నటించబోయేది కీర్తి సురేష్ అని ఇటీవల కొన్ని రూమర్స్ వచ్చాయి. ఆ విషయంపై నరేష్ ఇంకా క్లారిటీ ఇవ్వలేదు. ఫుల్స్ స్క్రిప్ట్ సిద్ధమైన తరువాత అఫీషియల్ ఎనౌన్స్మెంట్ ఇవ్వాలని నిర్ణయం తీసుకున్నట్లు తెలుస్తోంది. సూపర్ స్టార్ కృష్ణను రెండవ వివాహం చేసుకున్న విజయ నిర్మల లెజెండరీ యాక్టర్ గానే కాకుండా కొన్ని సినిమాలకు దర్శకత్వం వహించారు. మరి అలాంటి మల్టీ టాలెంటెడ్ యాక్టర్ పాత్రలో ఎవరు నటిస్తారో చూడలి.