హీరో రాజశేఖర్ కారణంగా సాయి కుమార్‌తో గొడవ.. క్లారిటీ ఇచ్చిన సుమన్

కేవలం హీరోగానే కాకుండా..

సీనియర్ నటుడు సుమన్ టాలీవుడ్ ఇండస్ట్రీలో హీరోగా చెరగని ముద్ర వేసుకున్నాడు. అతను నటించిన కొన్ని సినిమాలో అప్పట్లో బాక్సాఫీస్ వద్ద భారీ వసూళ్ళను అందుకున్నాయి. కేవలం హీరోగానే కాకుండా మార్కెట్ తగ్గిన అనంతరం సహా నటుడిగా కూడా క్రేజ్ అందుకున్నాడు. అన్నమయ్య సినిమాలో శ్రీ వెంకటేశ్వర స్వామిగా కనిపించి ఏ స్థాయిలో క్రేజ్ అందుకున్నారో స్పెషల్ గా చెప్పనవసరం లేదు.

సాయి కుమార్ తో గొడవ

ఇక శివాజీ వంటి సినిమాలో విలన్ గా చేసి నటనతో సినిమాకు మరింత హైప్ క్రియేట్ చేశారు. అయితే ఇటీవల అలీతో సరదాగా ఇంటర్వ్యూలో సుమన్ ఒక విషయంలో క్లారిటీ ఇచ్చాడు. కెరీర్ మొదట్లో చాలా వరకు సుమన్ పాత్రలకు సాయి కుమార్ డబ్బింగ్ చెప్పేవారు. అయితే కెరీర్ ఊపందుకున్న సమయంలో రాజశేఖర్ కారణంగా వారిద్దరికీ గొడవ జరిగినట్లు రూమర్స్ బాగానే వచ్చాయి.

రాజశేఖర్ కు డబ్బింగ్ చెప్పడం వలన

రాజశేఖర్, సుమన్ ఇద్దరికి కూడా పడదని అప్పట్లో మీడియాలలో అనేక రకాల కథనాలు వచ్చాయి. ఆ రూమర్స్ సంగతి పక్కన పెడితే సాయి కుమార్ గతంలో అలీకి ఇచ్చిన ఇంటర్వ్యూలో సుమన్ కు ఒక విషయంలో తాను నచ్చేవాడిని కాదని చెప్పాడు. అందుకు కారణం రాజశేఖర్, సుమన్ కు నేనే డబ్బింగ్ చెప్పడం పలు చర్చలకు దారి తీసిందని చెప్పారు. అదే తరహాలో రాజశేఖర్ కూడా అసంతృప్తి వ్యక్తం చేసేవారట.

Recommended Video

Nagarjuna Akkineni To Fans On Apple Products

క్లారిటీ ఇచ్చిన సుమన్

ఇక గొడవ జరిగిందనే రూమర్స్ పై స్పందించిన సుమన్ అలాంటిదేమి లేదని అన్నారు. ఆయన మాట్లాడుతూ.. నిజానికి నాకు ఒక విధంగా లైఫ్ ఇచ్చింది సాయి కుమార్ మాత్రమే. అలాంటిది అతనితో గొడవ అనేది ఎప్పుడు జరగలేదు. ఒకరికి డబ్బింగ్ చెప్పవద్దని నేను ఎప్పుడు అనలేదు. కాకపోతే ఒక చిన్న సలహా మాత్రం ఇచ్చాను. ఒక స్థాయి నటులకు డబ్బింగ్ చెప్పి నీ స్థాయి తగ్గించుకోకు అని చిన్న సలహా నవ్వుకుంటూ ఇచ్చాను. అయిన అది సాయి ఇష్టం. సరదాగా సలహా ఇచ్చాను అంతేగాని గొడవ అయితే పడలేదు అంటూ సుమన్ వివరణ ఇచ్చారు.