మరో మూవీకి సీక్వెల్.. క్లారిటీ ఇచ్చిన అనిల్ రావిపూడి.. 3 సినిమాలు ఆ హీరోతోనే..

మరింత ఆసక్తిగా..

ఈ ఏడాది అనిల్ రావిపూడి మహేష్ బాబుతో చేసిన సరిలేరు నీకెవ్వరు సినిమా ఏ స్థాయిలో విజయాన్ని అందుకుందో స్పెషల్ గా చెప్పనవసరం లేదు. బాక్సాఫీస్ వద్ద అటు నిర్మాతలకు అలాగే డిస్ట్రిబ్యూటర్స్ కు కూడా మంచి ప్రాఫిట్స్ ను అందించింది ఆ సినిమా. ఇక రానున్న రోజుల్లో అనిల్ చేయబోయే సినిమాలు మరింత ఆసక్తిగా ఉండబోతున్నట్లు అర్ధమవుతోంది.

అలా తనపై నమ్మకాన్ని పెంచుకున్న అనిల్

రైటర్ గా కెరీర్ ను స్టార్ట్ చేసి ఆ తరువాత కష్టపడి దర్శకుడిగా మారిన అనిల్ మొదట కళ్యాణ్ రామ్ తో పటాస్ సినిమాను చేశాడు. ఇక ఆ తరువాత చేసిన సుప్రీమ్ అనుకున్నంత రేంజ్ లో హిట్ కాకపోయినప్పటికి సినిమా పెద్దగా నష్టాలను కలిగించలేదు. ఇక రాజా ది గ్రేట్, F2 సినిమాలు దర్శకుడి పై మరింత నమ్మకాన్ని పెంచాయి. అనంతరం మహేష్ బాబు పిలిచిమరి అవకాశం ఇచ్చాడు.

మరో సినిమాకు సీక్వెల్

అయితే సరిలేరు నీకెవ్వరు సినిమా అనంతరం అనిల్ చేస్తున్న సినిమా F3. వెంకటేష్, వరుణ్ తేజ్ హీరోలుగా నటిస్తున్న ఈ కామెడీ మల్టీస్టారర్ పై అంచనాలు అయితే భారీగానే ఉన్నాయి. ఇక అదే తరహాలో మరో సినిమాకు కూడా అనిల్ సీక్వెల్ ను రెడీ చేసే ఆలోచనలో ఉన్నట్లు చెప్పేశాడు. ఇటీవల క్రాక్ సినిమాకు సంబంధించిన ట్రైలర్ రిలీజ్ లో అనిల్ అసలు విషయాన్ని చెప్పారు.

రవితేజతో మరో మూడు సినిమాలు

రవితేజతో ఎంతో ప్రయోగాత్మకంగా తీసిన రాజా ది గ్రేట్ సినిమాకు సీక్వెల్ ఉంటుందా లేదా అని అభిమానులు అడుగగా. తప్పకుండా ఉంటుంది. అలాగే రవితేజతో మరో మూడు సినిమాలు కూడా చేయడానికి రెడీ అవుతున్నట్లు చెప్పాడు. భవిష్యత్తులో అనిల్, మాస్ రాజా కాంబోలో మాత్రం చాలా సినిమాలు రావచ్చనే విషయంలో మొత్తానికి ఒక క్లారిటీ వచ్చింది. మరి ఆ సినిమాలతో ఎలాంటి సక్సెస్ ను అందుకుంటారో చూడాలి.