నన్ను తల్లిని చేయండి.. చాలా ఉత్సాహంగా ఉన్నా.. టాప్ యాంకర్ వ్యాఖ్యలు

తల్లి కావడానికి ఉత్సాహంగా ఉన్నా

కామెడీ క్వీన్, టాప్ యాంకర్ భారతీ సింగ్ ఇటీవల ఓ ఇంటర్వ్యూలో మాట్లాడుతూ.. తల్లి కావడానికి ఉత్సాహంతో ఉన్నాను. ఇక మాతృత్వానికి దూరంగా ఉండటం వల్ల లాభం లేదు. 2020 నాటికి తల్లిని అయ్యేందుకు ప్లాన్ చేసుకొంటున్నాను అని తెలిపారు. తన భర్త హార్ష్‌తో ఈ విషయాన్ని చర్చించానన్నారు.

పిల్లలంటే మాకు ఇష్టం

హార్ష్, నాకు పిల్లలంటే చాలా ఇష్టం. గల్లీలో పిల్లలతో హర్ష్ బాగా ఆడుకొంటుంటారు. మా ఫ్యామిలీ సంఖ్యను పెంచే విషయంపై నిర్ణయం తీసుకొన్నాం. మరో రెండేళ్లలో తల్లిగా మారుతా అని అన్నాను.

ప్రసవం జరిగే చివరి రోజు వరకు

హర్ష్‌కు మరో విషయం కూడా చెప్పాను. ప్రసవం జరిగే చివరి రోజు వరకు స్టేజ్ మీద షో చేస్తాను. అలా చేస్తే నా గర్భంలో ఉండే శిశువుకు మంచి పాజిటివ్ ఎనర్జీ వస్తుందని అనుకుంటున్నాని చెప్పాను.

బిగ్‌బాస్ 12లో పిల్లలు కందామని

బిగ్‌బాస్ 12 హౌస్‌లో పిల్లల్ని కనేందుకు ప్లాన్ చేసుకొందామా అని హర్ష్‌ను అడిగాను. కానీ దురదృష్టవశాత్తూ మాకు కంటెస్టెంట్స్‌గా ఛాన్స్ దక్కలేదు. లేకపోతే అక్కడే అది ప్లాన్ చేసుకొనే వాళ్లమేమో అని భారతీ సింగ్ జోక్ చేసింది.