విజయ్ దేవరకొండ మూవీలో హీరోయిన్‌గా కేథరిన్

విజయ్ దేవరకొండ హీరోగా క్రాంతి మాధవ్ దర్శకత్వంలో రూపొందుతున్న సినిమా ప్రస్తుతం చిత్రీకరణ దశలో ఉంది. ఇంకా టైటిల్ ఖరారుకాని ఈ మూవీలో రాశిఖన్నా, ఐశ్వర్య రాజేష్, ఇజబెల్లా కథాయికలుగా నటిస్తున్నారు.

తాజాగా ఈ మూవీలో మరో హీరోయిన్‌గా కేథరిన్ ఎంపికైంది. ఈ విషయాన్ని అధికారికంగా ధృవీకరిస్తూ చిత్రబృందం ప్రెస్ నోట్ విడుదల చేసింది. ఇటీవలే ఆమె సెట్స్‌లో జాయిన్ అయినట్లు తెలిపారు.

ప్రముఖ నిర్మాత కె.ఎస్ రామారావు సమర్పణలో, కెఏ వల్లభ నిర్మిస్తున్న ఈ చితాన్ని క్రియేటివ్ కమర్షియల్స్ సంస్థ ప్రొడక్షన్ నెం. 46గా తెరకెక్కిస్తోంది. గోపిసుందర్ సంగీతం అందిస్తుండగా, జేకే సినిమాటోగ్రఫీ సమకూరుస్తున్నారు.

రొమాంటిక్ ఎంటర్టెనర్‌గా రూపొందుతున్న ఈ చిత్రంలో విజయ్ దేవరకొండ, రాశి ఖన్నా, ఐశ్వర్య రాజేష్, ఇజబెల్లా, కేథరీన్ తెరిస్సా ముఖ్యపాత్రలు పోషిస్తున్నారు. ఈ చిత్రానికి రచయిత, దర్శకుడు : క్రాంతి మాధవ్, సమర్పణ : కేఎస్ రామా రావు, నిర్మాత: కె.ఎ. వల్లభ, బ్యానర్: క్రియేటివ్ కమర్షియల్స్, సంగీతం: గోపి సుందర్,
డిఓపి : జే కే, ప్రొడక్షన్ డిజైన్: సాహి సురేష్.

పెళ్లి చూపులు, అర్జున్ రెడ్డి, గీత గోవిందం, టాక్సీవాలా లాంటి విజయాలతో తక్కువకాలంలోనే విజయ్ దేవరకొండ టాలీవుడ్ ఇండస్ట్ర్రీలో స్టార్ హోదా సొంతం చేసుకున్నాడు. ప్రస్తుతం ఆయన నటిస్తున్న 'డియర్ కామ్రేడ్' త్వరలో విడుదలకు సిద్ధమవుతోంది.