ఏపీ అసెంబ్లీ ఎన్నికల బరిలో అలీ.. టాప్ కమెడియన్ క్లారిటీ ఏమిటంటే?

సొంత నిర్ణయమే..

40 ఏళ్లుగా సినిమా పరిశ్రమలో కొనసాగుతున్న కమెడియన్ ఆలీ ఇండస్ట్రీలో మంచి నటుడిగా గుర్తింపు అందుకున్నాడు. అయితే గతంలోనే చాలాసార్లు అతను రాజకీయాల్లోకి రావాలి అని కొన్ని పార్టీలు ఆఫర్ చేశాయి. కానీ ఆలీ మాత్రం నటుడిగా బిజీగా ఉన్న సమయంలో పాలిటిక్స్ పై పెద్దగా ఫోకస్ చేయలేదు. ఇక వైసీపీ పార్టీ నచ్చడంతో సొంత నిర్ణయంతోనే అందులోకి వెళ్లినట్లు ఆలీ చెప్పారు. ఇప్పుడు వైసీపీ పార్టీలో అతను కీలక బాధ్యతతో కొనసాగుతున్న విషయం తెలిసిందే.

త్వరలోనే ఆ బాధ్యతలు

ఇటీవల సినిమా ఇండస్ట్రీలోని కొంతమంది సినీ నటులకి వైఎస్ఆర్ కాంగ్రెస్ పార్టీ ప్రత్యేకమైన బాధ్యతలను అప్పగించింది. ఇక ఇప్పుడు కమిడియన్ ఆలీకి ఏపీ గవర్నమెంట్ ఎలక్ట్రానిక్ మీడియా అడ్వైసర్ గా కొత్త బాధ్యతలను అప్పగించారు. ఇటీవల కూతురి వివాహం ఉండడం వలన ఇంకా అధికార బాధ్యతలు తీసుకోలేదని ఇప్పుడు త్వరలోనే వైసీపీ అధినేతల మధ్యలో తన బాధ్యతలను తీసుకోబోతున్నట్లు చెప్పాడు.

పార్టీ టిక్కెట్

వైసీపీలో మొదట తనకు ఎలాంటి ఆఫర్ ఇస్తానని చెప్పలేదు అని ముందుగా పార్టీలో వర్క్ చేసిన తర్వాత వారే గుర్తించి తనకు ఈ బాధ్యతలను అప్పగించినట్లుగా చెప్పారు. ఇక మొదట్లోనే పార్టీ టిక్కెట్ లాంటివి అడుగుకూడదు అనుకున్నాను. ముందుగా మనం ఏం చేస్తామో అది పార్టీ గుర్తిస్తుంది. ఆ తర్వాత వారికి నిర్ణయం ప్రకారం నడుచుకుంటే చాలా బాగుంటుంది అని కూడా ఆలీ వివరణ ఇచ్చాడు.

అలాంటి ఛానెల్స్ విషయంలో..

ఇక ఈ బాధ్యతలో తను కొన్ని నిర్ణయాలు తీసుకోవాల్సి ఉంటుంది అని.. ఏకపక్షంగా వ్యవహరించే చానల్స్ కూడా ఉన్నాయి కాబట్టి ఆ విషయాలపై కూడా చర్చించి నిర్ణయాలు తీసుకోవాల్సి ఉంటుంది అని పార్టీ ఏదైతే చెబుతుందో దాని ప్రకారం నడుచుకుంటానని కూడా ఆలీ అన్నాడు. తప్పకుండా తన వృత్తికి న్యాయం చేయాలని చూస్తానని కూడా అన్నారు.

పోటీ చేయడానికి సిద్ధమే

అలాగే ఆలీ వచ్చే ఎన్నికల్లో అసెంబ్లీ ఎన్నికల్లో పోటీ చేస్తాడా లేదా అనే విషయంపై కూడా తనదైన శైలిలో ఒక క్లారిటీ ఇచ్చే ప్రయత్నం చేశాడు. పార్టీ పలానా దగ్గర నుంచి పోటీ చేయమంటే తప్పకుండా పోటీ చేయడానికి సిద్ధమే అని కూడా అన్నారు. ఇంకా టికెట్ విషయంలో మాత్రం ఎలాంటి నిర్ణయం తీసుకోలేదు అని అది రాగానే తప్పకుండా చెబుతాను అని కూడా ఆలీ వివరణ ఇచ్చాడు. ఇక ఏపీ ప్రభుత్వం ప్రస్తుతం చేస్తున్న అభివృద్ధి కార్యక్రమాలు కూడా చాలా బాగున్నాయి అని అలీ తెలియజేశారు.