Balakrishna NBK108 నుంచి క్రేజీ అప్డేట్.. కేక్ కట్ చేసి మరి తెలిపిన సినిమా యూనిట్!

అఖండ తర్వాత స్పీడ్..

తెలుగు సినీ ఇండస్ట్రీలో తనకంటూ ప్రత్యేకమైన ఇమేజ్‌ను ఏర్పరచుకుని.. సుదీర్ఘ కాలంగా స్టార్‌గా హవాను చూపిస్తూ దూసుకుపోతోన్నారు నటసింహా నందమూరి బాలకృష్ణ. కెరీర్ ఆరంభం నుంచీ హిట్లు ఫ్లాపులను పట్టించుకోకుండా సినిమాలు చేస్తోన్న ఆయన.. గత ఏడాది విడుదలైన 'అఖండ' వంటి సూపర్ సక్సెస్ తర్వాత మరింత స్పీడు పెంచారు. ఇందులో భాగంగానే ఇప్పుడు గోపీచంద్ మలినేనితో 'వీరసింహారెడ్డి' అనే సినిమాను చేస్తున్నారు. పల్నాడు ఫ్యాక్షన్ బ్యాక్ డ్రాప్ లో వస్తున్న ఈ మూవీ సంక్రాంతి కానుకగా జనవరి 12వ తేదీన రిలీజ్ కానుంది.

న్యూ ఇయర్ సెలబ్రేషన్స్..

ఇప్పుడు ఈ సినిమాకు సంబంధించిన సరికొత్త అప్డేట్ ఇచ్చారు మేకర్స్. షైన్ స్క్రీన్ సంస్ధ నిర్మిస్తున్న ఈ భారీ చిత్రం కోసం భారీగా జైలు సెట్ వేశారు. ఈ సెట్ లో ఫస్ట్ షెడ్యూల్ పూర్తయింది. భారీ యాక్షన్ సీక్వెన్స్ తీసినట్లు దర్శకనిర్మాతలు పేర్కొన్నారు. ఈ సన్నివేశాలకు వెంకట్ మాస్టర్ యాక్షన్ కొరియోగ్రఫీ చేశారు. ఈ షెడ్యూల్ పూర్తయిన సందర్భంగా NBK108 (వర్కింగ్ టైటిల్) సెట్స్ లో బాలకృష్ణ కేక్ కట్ చేశారు. అలాగే న్యూ ఇయర్ సెలబ్రేషన్స్ ను జరుపుకుంది ఈ మూవీ టీమ్.

విలన్ గా హీరోయిన్ అంజలి..

ఇదిలా ఉండగా.. అనిల్ రావిపూడి దర్శకత్వంలో బాలయ్య నటిస్తోన్న ఈ సినిమాలో ప్రియాంక జావాల్కర్ హీరోయిన్‌గా చేయగా బాలకృష్ణకు కూతురిగా శ్రీలీలా నటిస్తోందని టాక్ వినిపిస్తోంది. అలాగే మరో హీరోయిన్ బ్యూటిఫుల్ అంజలి ఇందులో విలన్ గా నటిస్తోందని మరో న్యూస్ వినిపిస్తోంది. ఇక, ఈ చిత్రాన్ని షైన్ స్క్రీన్ స్టూడియోస్ బ్యానర్‌పై సాహు గారపాటి, హరీష్ పెద్ది నిర్మిస్తున్నారు. ఈ సినిమాకు కూడా ఎస్ఎస్ థమన్ సంగీతం అందిస్తున్నారు. క్రేజీ కాంబినేషన్‌లో కావడంతో ఈ చిత్రంపై అంచనాలు తారాస్థాయిలో ఏర్పడ్డాయి.