బన్నీని బావా అనేసిన ఎన్టీఆర్.. అల వైకుంఠపురములోపై యంగ్ టైగర్ ప్రశంసలు

పాజిటివ్ టాక్‌తో..

సినిమా రిలీజ్‌కు ముందే పాటలతో సగం హిట్ కొట్టేసింది అల వైకుంఠపురములో. ఇక ఆల్బమే ఆ రేంజ్‌లో హిట్ అయ్యేసరికి సినిమాపై అంచనాలు ఆకాశన్నంటాయి. అయితే వాటికి తగ్గట్టే సినిమా ఉండటం, బన్నీ యాక్టింగ్, త్రివిక్రమ్ టేకింగ్, తమన్ మ్యూజిక్ ఇలా ప్రతీ ఒక్కటి అల వైకుంఠపురములో చిత్రాన్ని హిట్ చేశాయి.

విజయోత్సవంలో టీమ్..

ఈ సినిమాకు మొదటి ఆట నుంచి పాజిటివ్ టాక్ రావడంతో సినిమా యూనిట్ ఆనందంలో మునిగిపోయింది. చిత్ర నిర్మాత అయిన రాధాకృష్ణ (చినబాబు), త్రివిక్రమ్, అల్లు అర్జున్ కేక్ కట్ చేశారు. ఈ క్రమంలో అల్లు అర్జున్, త్రివిక్రమ్ ఇరువురు ఆప్యాయంగా హత్తుకున్నారు. అనంతరం నిర్మాత మీడియాతో ముచ్చటించాడు.

‘అల'పై స్పందించిన ఎన్టీఆర్..

అల వైకుంఠపురములో చిత్రంపై ఎన్టీఆర్ స్పందించాడు. ఈ మూవీపై ప్రశంసల వర్షం కురిపించాడు. ఈ మేరకు బన్నీ, త్రివిక్రమ్, మురళీ శర్మను పొగుడుతూ ట్వీట్స్ చేశాడు. ఈ క్రమంలోనే బన్నీని బావా అనేశాడు.

కంగ్రాట్స్ బావా..

‘అల్లు అర్జున్ అదిరిపోయే పర్ఫామెన్స్ ఇచ్చాడు. అల వైకుంఠపురములో చిత్రాన్ని చూడదగ్గ గొప్ప చిత్రంగా త్రివిక్రమ్ శ్రీనివాస్ రాశారు. కంగ్రాట్స్ బావా, సామీ' అని ట్వీట్ చేశాడు.

మురళీ శర్మకు హ్యాట్సాఫ్..

‘మురళీ శర్మ అద్భుతమైన నటనకు, తన నటనతో అల్లు అర్జున్, త్రివిక్రమ్‌కు సపోర్ట్ చేసింనందుకు హ్యాట్సాఫ్. ఈ సినిమా తమన్ అందించిన సంగీతం అతి పెద్ద బలం. ఎంతో గొప్పగా తమన్ పనిచేశాడు. సినిమాటోగ్రఫర్ పీఎస్ వినోద్‌కు ప్రత్యేకంగా ప్రశంసించాలి. చిత్రబృందానికి కంగ్రాట్స్, హారిక అండ్ హాసిని ఎంతో బాగా నిర్మించింద'ని చెప్పుకొచ్చాడు.