పవర్ఫుల్ గా సిద్దమవుతున్న బాలయ్య, వరుసగా 5 సినిమాలు.. లైనప్ మామూలుగా లేదు!

రానున్న రోజుల్లో.. బిజీబిజీగా

బాలకృష్ణ వయసు ప్రస్తుతం 60ఏళ్ళు. అయినా కూడా ఇంకా పాతికేళ్ల కుర్రాడిలానే ఎనర్జిటిక్ గా కనిపిస్తారు. ఉదయమే అందరికంటే ముందుగా సెట్స్ లోకి వచ్చి యూనిట్ సభ్యులను మరియాదగా పలకరిస్తూ ఉంటారు. ఇక రానున్న రోజుల్లో బాలకృష్ణ తీరిక లేకుండా సినిమాలతో బిజీ అవ్వనున్నట్లు అర్ధమయ్యింది. ముఖ్యంగా ప్రస్తుతం బోయపాటి సినిమాను రెడీ చేస్తున్న విషయం తెలిసిందే.

హిట్టిచ్చిన సీనియర్ దర్శకుడితో..

బోయపాటి శ్రీనివాస్ దర్శకత్వంలో సినిమా చేసిన తరువాత బాలకృష్ణ ఎవరితో వర్క్ చేస్తారనే విషయంలో ఇంకా క్లారితో ఇవ్వలేదు గాని వరుసగా దర్శకులు అయితే ఆయన కోసం కథలు పట్టుకొని రెడీగా ఉన్నట్లు సమాచారం. అందులో బి.గోపాల్ ఒకరు. ఈ సీనియర్ దర్శకుడు గతంలో బాలయ్యతో లారీ డ్రైవర్, నరసింహనాయుడు వంటి బాక్సాఫీస్ హిట్ సినిమాలను తెరకెక్కించారు.

డిక్టేటర్ దర్శకుడితో కూడా

ఇక పూరి జగన్నాథ్ తో కూడా బాలకృష్ణ మరో మాస్ మసాలా సినిమాను ఎప్పుడైనా స్టార్ట్ చేయవచ్చట. ఇదివరకే వీరి కాంబినేషన్ లో పైసా వసూల్ అనే సినిమా వచ్చింది. కానీ అది అనుకున్నంత రేంజ్ లో హిట్టవ్వలేదు. ఇక గతంలో డిక్టేటర్ సినిమాను డైరెక్ట్ చేసిన శ్రీవాస్ తో కూడా బాలకృష్ణ ఒక సినిమా చేయడానికి ఇంట్రెస్ట్ చూపిస్తున్నట్లు సమాచారం.

మరో మంచి సందేశాత్మక చిత్రం

రీసెంట్ గా బాలకృష్ణ కు ఒక దర్శకుడు మంచి సందేశాత్మక కథ కూడా చెప్పినట్లు తెలుస్తోంది. ఆ దర్శకుడు మరెవరో కాదు. ఆ నలుగురు డైరెక్టర్ చంద్ర సిద్దార్థ్. కథ నచ్చడంతో బాలయ్యా వెంటనే ఒప్పేసుకున్నట్లు తెలుస్తోంది. రెగ్యులర్ కమర్షియల్ సినిమాలకు భిన్నంగా ఆ మూవీ తెరకెక్కనున్నట్లు సమాచారం. ఈ విధంగా బాలకృష్ణ వరుసగా 5 సినిమాలను లైన్ లో పెట్టినట్లు తెలుస్తోంది.