పసుపులేటి రామారావు మృతి: సినీ ప్రముఖుల సంతాపం.. నాని, కళ్యాణ్ రామ్ దిగ్బ్రాంతి

నందమూరి కళ్యాణ్ రామ్ ట్వీట్

సీనియర్ జర్నలిస్ట్ పసుపులేటి రామారావు మరణవార్త తెలిసి చాలా భాధపడ్డానని పేర్కొంటూ నందమూరి కళ్యాణ్ రామ్ ట్వీట్ చేశారు. ఈ మేరకు ఆయన కుటుంబానికి తన ప్రగాఢ సానుభూతి తెలిపారు.

నిర్మాత BVSN ప్రసాద్ సంతాపం

పసుపులేటి రామారావు మరణవార్త చాలా బాధపెట్టింది. తెలుగు సినీ పరిశ్రమకు ఓ రచయితగా, జర్నలిస్టుగా, పీఆర్ఓగా ఇన్నో సంవత్సరాల పాటు ఆయన అందించిన సేవలు మరువలేనివి. ఆయన ఆత్మకు శాంతి చేకూరాలని కోరుకుంటున్నా.. అంటూ నిర్మాత BVSN ప్రసాద్ తన సంతాపం వ్యక్తం చేశారు.

హరీష్ శంకర్ ట్వీట్..

నిజమైన నిజాయితీ గల జర్నలిస్టుల్లో ఒకరైన పసుపులేటి రామారావు గారిని కోల్పోయాం. ఆయన ఆత్మకు శాంతి చేకూరాలని కోరుకుంటున్నా.. అంటూ డైరెక్టర్ హరీష్ శంకర్ సంతాపం తెలిపారు.

నాని సంతాపం

చిన్న పిల్లల్లాంటి స్వచ్ఛమైన మనసున్న మనిషి పసుపులేటి రామారావు గారు. ఆయనలో చాలా నిజాయితీ చూశాను. ఆయన ఆత్మకు శాంతి చేకూరాలని కోరుకుంటున్నా అని పేర్కొంటూ నాని ట్వీట్ చేశారు.

చిరంజీవి ఆప్తుడు.. కళామతల్లి సేవకుడు

సినీ పరిశ్రమలో మెగాస్టార్ చిరంజీవికి ఎంతో ఆప్తుడు పసుపులేటి రామారావు. దాదాపు 5 దశాబ్దాల పాటు సినీ జర్నలిస్టుగా పనిచేసిన ఆయన టాలీవుడ్ ఇండస్ట్రీ లోని పెద్దల తలలో నాలుకగా ఉన్నారు. ఎన్నో పుస్తకాలు రచించిన ఓ మహా నిఘంటువు పసుపులేటి రామారావు గారు. సీనియర్ ఎన్టీఆర్ మొదలుకొని నేటి యంగ్ హీరోల వరుకు అందరినీ ఇంటర్వ్యూలు చేసిన అనుభవం ఆయన సొంతం.

Megastar Chiranjeevi Emotional About Gollapudi Maruthi Rao || Filmibeat Telugu

రేపు అంత్యక్రియలు

ఈ రోజు రామారావు స్వగృహంలో ఆయన మృతదేహాన్ని ఉంచి.. రేపు అంత్యక్రియలు జరపాలనుకుంటున్నామని ఆయన తోడల్లుడు చెప్పాడు. సన్నిహితులు, అభిమానుల సందర్శనార్థం ఆయన మృతదేహాన్ని కృష్ణానగర్‌లో ఉన్న ఆయన సొంతింటికి తరలించారు.