Home

Whats new

నాని.. తన సహజ సిద్ధమైన నటనతో తెలుగు వారి మనసు దోచిన యంగ్ హీరో. స్వయంకృషితో సినీ పరిశ్రమలోకి అడుగు పెట్టి అనతి కాలంలోనే స్టార్ హీరోగా ఎదిగిపోయాడు. ఈ క్రమంలోనే నేచురల్ స్టార్ అని కూడా బిరుదును దక్కించుకున్నాడు. నటన, బావోద్వేగాలు పండించడంలో తనకు తానే సాటి అని నిరూపించుకున్న ఈ యంగ్ హీరో కెరీర్ మంచిగానే సాగిపోతోంది. ఈ నేపథ్యంలో వరుసగా సినిమాలు చేసుకుంటూ వెళ్తున్నాడు. ఇందులో భాగంగా ప్రస్తుతం విక్రమ్ కే కుమార్ దర్శకత్వంలో 'గ్యాంగ్ లీడర్' అనే సినిమా చేస్తున్నాడు.

మైత్రీ మూవీ మేకర్స్ బ్యానర్‌ నిర్మిస్తున్న ఈ సినిమాలో నానికి జోడీగా ప్రియాంక అరుల్ మోహన్ నటిస్తోంది. అలాగే 'ఆర్ఎస్ 100' హీరో కార్తికేయ ముఖ్య పాత్రలో కనిపించనున్నాడు. వీరితో పాటు ప్రియాంక, లక్ష్మి, శరణ్య, అనీష్‌ కురువిళ్లా, ప్రియదర్శి, రఘుబాబు, వెన్నెల కిశోర్‌, జైజా, సత్య తదితరులు నటిస్తున్నారు. ఇప్పటికే విడుదలైన ఫస్ట్ లుక్, టీజర్, సాంగ్‌లకు ప్రేక్షకుల నుంచి మంచి రెస్పాన్స్ వచ్చింది. ఈ సినిమా సెప్టెంబర్ 13న ప్రేక్షకుల ముందుకు రానుంది.

ఇక, చిరంజీవి పుట్టినరోజును పురస్కరించుకుని 'గ్యాంగ్ లీడర్' సినిమా యూనిట్ గురువారం ఓ పోస్టర్‌ను రిలీజ్ చేసింది. ఈ మేరకు నాని 'మెగాస్టార్ చిరంజీవి జన్మదినోత్సవం సందర్భంగా ఆ షాట్‌ను పోస్టర్ రూపంలో విడుదల చేస్తున్నాం. మా సినిమాలోని ఈ షాట్.. క్లాసిక్ గ్యాంగ్ లీడర్‌కు ఓ ట్రిబ్యూట్. హ్యాపీ బర్త్‌డే సర్.. నిజమైన గ్యాంగ్ లీడర్ మీరే' అని ట్వీట్ చేశాడు. దీంతో చిరు బర్త్ డే రోజు ఈ పిక్ సోషల్ మీడియాలో హల్‌చల్ చేసింది.

Saved the pic 🙈
Thank you 🙏🏼 https://t.co/N0xqkKzeEp

— Nani (@NameisNani) August 22, 2019

తాజాగా ఓ నెటిజన్ చిరంజీవి సగం ఫొటోను, నాని సగం ఫొటోను కలిపి ట్విట్టర్‌లో షేర్ చేశాడు. అంతేకాదు, 'మీ గ్యాంగ్ లీడర్ చూడడానికి ఆసక్తిగా ఎదురు చూస్తున్నాం' అని ట్వీట్ చేశాడు. దీనికి నాని 'ఈ ఫొటోను దాచుకుంటాను. థ్యాంక్యూ' అని రిప్లై ఇచ్చాడు. దీంతో ఈ ట్వీట్ హైలైట్ అయింది.