హోమ్

లేటేస్ట్ న్యూస్

నాచురల్ స్టార్ నాని హీరోగా సినిమాలు చేస్తూనే నిర్మాతగా కూడా సక్సెస్ టాక్ తెచ్చుకుంటున్నాడు. ఇప్పటికే సొంత నిర్మాణ సంస్థ ఏర్పాటు చేసి విలక్షణ కథాంశం 'అ' మూవీ రూపొందించిన ఆయన.. తాజాగా మరో డిఫరెంట్ మూవీని నిర్మిస్తున్నాడు. HIT అనే పేరుతో తెరకెక్కుతున్న ఈ సినిమాలో విశ్వక్ సేన్ హీరోగా నటిస్తున్నాడు.

నాని స‌మ‌ర్ప‌ణ‌లో వాల్‌పోస్ట‌ర్ సినిమా బ్యాన‌ర్‌పై రూపొందుతున్న ఈ HIT మూవీకి శైలేశ్ అనే నూతన దర్శకుడు దర్శకత్వం వహిస్తున్నాడు. చిత్రంలో విశ్వక్ సేన్ సరసన రుహాని శర్మ హీరోయిన్‌గా నటిస్తోంది. చిత్రానికి మరో నిర్మాతగా ప్రశాంతి వ్యవహరిస్తోంది. నిర్మాతగా కూడా సక్సెస్కావాలనే పట్టుదలతో ఉన్న నాని ఈ సినిమాపై స్పెషల్ కేర్ తీసుకుంటున్నారు.

ప్రస్తుతం శరవేగంగా షూటింగ్ జరుపుకుంటున్న ఈ సినిమా ఫిబ్రవరి 28న విడుదలకు సిద్ధమైంది. ఈ మేరకు ప్రమోషన్ కార్యక్రమాలను వేగవంతం చేసింది చిత్రయూనిట్. ఇందులో భాగంగా తాజాగా చిత్ర టీజర్ విడుదల చేశారు మేకర్స్. ఒక నిమిషం 29 సెకనులతో కట్ చేయబడిన ఈ టీజర్ సస్పెన్స్‌తో కూడిన సన్నివేశాలతో ఆకట్టుకుంటోంది.

ఇప్పటికే విడుదలైన ఈ మూవీ ఫ‌స్ట్‌లుక్‌లో విశ్వ‌క్‌సేన్ స్టైలిష్‌గా కనిపించి సినిమాపై అంచనాలు క్రియేట్ చేయగా, తాజాగా విడుదలైన ఈ టీజర్ మరింత హైప్ తీసుకొచ్చింది.