Natty Kumar : వర్మ సినిమా ఇక విడుదల కాదు.. నిర్మాతలెవరూ ఆయనతో సినిమా చేయొద్దు!

ఫోర్జరీ చేశారంటూ

తన సినిమా లెటర్ హెడ్ మీద తన సంతకాన్ని ఫోర్జరీ చేశారంటూ నట్టి ఎంటర్ టైన్ మెంట్ కు చెందిన నట్టి క్రాంతి, నట్టి కరుణ పై పంజాగుట్ట పోలీసులకు దర్శకుడు రామ్ గోపాల్ వర్మ ఫిర్యాదు చేసిన సంగతి తెలిసిందే. ఈ నేపథ్యంలో తన పిల్లలపై పోలీసులకు ఫిర్యాదు చేసిన రామ్ గోపాల్ వర్మ మీద నట్టి కుమార్ నిప్పులు చెరిగారు.

ఫేక్ అంటూ

వర్మ సినిమాలు ఇక మీదట రిలీజ్ కాకుండా అడ్డుకుంటామని నట్టి కుమార్ హెచ్చరించారు. తమ వద్ద నుంచి తీసుకున్న డబ్బులు తిరిగి ఇవ్వమంటే వర్మ తన పిల్లలపై తప్పుడు కేసులు పెట్టాడని ఫైరయ్యారు. తమ దగ్గర నుంచి వర్మ డబ్బులు బాగా తీసుకున్నాడని, వాటిని తిరిగి ఇవ్వమని అడిగితే మాత్రం ఫేక్ అంటూ చేతులు ఎత్తేస్తున్నాడు అంటూ ఘాటు వ్యాఖ్యలు చేశారు.

స్టే తీసుకొస్తా

తమతో పాటు చాలామంది నిర్మాతల్ని వర్మ మోసం చేశాడని నట్టి కుమార్ ఆరోపించారు. ఇప్పుడు అప్పులు ఇచ్చిన వాళ్ళంతా ఒక్కటయ్యారని, ఇక వర్మ పని అయిపోయింది అంటూ నట్టికుమార్ వార్నింగ్ ఇచ్చారు. ఇక వర్మ సినిమాలు ఏవీ విడుదల కాకుండా చేస్తామని నట్టి కుమార్ పేర్కొన్నారు. ఒకవేళ వర్మ పేరు మీద సినిమా వస్తే, సుప్రీంకోర్టుకి వెళ్ళి అయినా సరే స్టే తీసుకొస్తామని వార్నింగ్ ఇచ్చారు.

నోటీసులు రాలేదు

అందుకే నిర్మాతలెవరూ వర్మతో సినిమా చేయొద్దని నట్టికుమార్ కోరారు. వర్మ మాటలు నమ్మి చాలా మంది మోసపోతున్నారన్న నట్టి కుమార్, మీడియాను నా కుటుంబంపైకి టర్న్ చేసేందుకు నా పిల్లలపై కేసు పెట్టాడని అన్నారు. ఇక వర్మ బాధితులు అందరినీ ఏకం చేసి ఆర్జీవీ సినిమాను విడుదల చేయకుండా చేస్తామని అన్నారు. వర్మ పెట్టిన కేసు విషయంలో పోలీసుల నుంచి ఎలాంటి నోటీసులు రాలేదన్న ఆయన, పోలీసు వారు ఎలాంటి వివరాలు అడిగినా అందజేస్తామని అన్నారు.

డేంజరస్ సినిమా విడుదల

ఈ కేసు విచారణకు మేము సహకరిస్తామని అన్నారు. కొద్దిరోజుల క్రితం వర్మ డేంజరస్ సినిమా విడుదల సమయంలో తనకు డబ్బు ఇవ్వకుండా సినిమా రిలీజ్ చేస్తున్నాడని చెబుతూ నట్టి కుమార్ స్టే తీసుకువచ్చారు. మొదటి సారి థియేటర్లు దొరకలేదని కవర్ చేసుకున్న వర్మ రెండో సారి మాత్రం ఏమీ మాట్లాడలేక పోయారు. మళ్ళీ ఇన్నాళ్లకు మీడియా ముందుకు పోలీస్ కంప్లైంట్ తో వచ్చారు.