ఓటీటీలో నితిన్, రానా.. వరుసగా రాబోతున్న తెలుగు హీరోల ఇంట్రెస్టింగ్ మూవీస్

నితిన్ డబుల్ ధమాకా..

యువ హీరో నితిన్ ఎంత వేగంగా వచ్చాడో అంతే వేగంగా థియేటర్స్ నుంచి వెళ్లిపోతున్నాడు. ఇటీవల విడుదలైన రెండు సినిమాలు బాక్సాఫీస్ వద్ద దారుణమైన రిజల్ట్ ను అందుకున్నాయి. ఇక చెక్ సినిమా మే రెండవ వారంలో సన్ NXTలో ప్రసారం కానుంది. ఇక కీర్తి సురేష్ తో నటించిన రంగ్ దే ఆ తరువాతి వారం జీ5లో విడుదల కానుంది.

రానా పాన్ ఇండియా మూవీ

ఇక రానా దగ్గుబాటి ఎంతో నమ్మకంతో చేసిన పాన్ ఇండియా మూవీ అరణ్య బాక్సాఫీస్ వద్ద దారుణమైన రిజల్ట్ ను అందుకుంది. డిజిటల్ రైట్స్ ద్వారానే సినిమా నిర్మాణ సంస్థ నష్టాల నుంచి తప్పించుకుంది. ఇక మే రెండవ వారంలో ఈ సినిమా జీ5లోకి రానుంది.

సందీప్ కిషన్ మూవీ కూడా..

ఇక యువ హీరో సందీప్ కిషన్ - లావణ్య త్రిపాఠి జంటగా నటించిన A1 ఎక్స్ ప్రెస్ మార్చి 5న వచ్చిన విషయం తెలిసిందే. ఆ సినిమా బజ్ అయితే బాగానే క్రియేట్ చేసింది గాని కమర్షియల్ గా అనుకున్నంత రేంజ్ లో కలెక్షన్స్ అందుకోలేకపోయింది. ఇక ఈ సినిమా సన్ NXTలో మే 1న రిలీజ్ కానుంది.

Tollywood : Vakeel Saab, Love Story మూవీస్ పైనే అందరి ఫోకస్ !

డైరెక్ట్ నెట్ ఫ్లిక్స్ లో ధనుష్ మూవీ

కోలీవుడ్ స్టార్ యాక్టర్ ధనుష్ నటించిన తమిళ మూవీ జగమే తందిరామ్ ను తెలుగులో డబ్ చేశారు. ఇక ఆ సినిమా జగమే తంత్రంగా డైరెక్ట్ నెట్ ఫ్లిక్స్ లో రిలీజ్ అవుతోంది. జూన్ 18న రిలీజ్ కాబోతోంది. అలాగే ధనుష్ ఇటీవల నటించిన కర్ణన్ సినిమా బాక్సాఫీస్ వద్ద భారీ హిట్ అందుకున్న విషయం తెలిసిందే. ఆ సినిమా కూడా త్వరలోనే ఓటీటీలోకి రాబోతోంది.