చుట్టూ అమ్మాయిలు.. చేతిలో మందు .. రాహుల్ జోరు మాములుగా లేదే

హౌస్‌లో హల్‌చల్..

బిగ్‌బాస్ హౌస్‌లో ఎంటరైన దగ్గరి నుంచి తనదైన శైలిలో ముక్కుసూటిగా వెళ్తూ వచ్చాడు. ఆ క్రమంలోనే వరుణ్ సందేశ్, వితికా షెరు, పునర్నవిలతో స్నేహం ఏర్పడింది. ఇలా కలిసిన ఆ నలుగురు చివరకు వరకు ఒక్కటిగానే ఉన్నారు. మధ్యలో గొడవలు వచ్చినా.. మళ్లీ ఒక్కటయ్యారు. రాహుల్ ఫేక్ ఎలిమినేషన్‌తో డీలా పడ్డ ఆ ముగ్గురు రీ ఎంట్రీతో ఎంతో ఆనందంగా ఉన్నారు.

హైలెట్‌గా మారిన కెమిస్ట్రీ..

మూడో సీజన్ మొత్తానికి పునర్నవి, రాహుల్ కెమిస్ట్రీ హైలెట్‌గా నిలిచింది. వీరిద్దరి మాటలు, తిట్లు, కోపాలు, అలకలు ఇలా ప్రతీ ఒక్కటి వీక్షకులను ఆకట్టుకున్నాయి. వీరిద్దరి మధ్య ఏదో నడుస్తుందని పదే పదే నాగార్జున అనడం.. దానికి వీరిద్దరు సిగ్గు పడటం.. అలాంటిదేమీ లేదని దాటవేయడం అందరికీ తెలిసిందే.

ఎంతో మంది కోసుకుంటారు..

హౌస్‌లో ఉన్న సమయంలో పునర్నవికి ప్రపోజ్ చేస్తూ.. తనకోసం కోసుకుని పడి చచ్చే వారు చాలా మంది ఉన్నారంటూ చెప్పుకొచ్చాడు. ఆ సమయంలో పునర్నవి కూడా కౌంటర్ వేసినట్టు ఓ చూపు చూసింది. అయితే అది నిజమేనని రాహుల్ ఇన్‌స్టాగ్రామ్ పోస్ట్‌లు చూస్తుంటే తెలుస్తోంది.

వీకెండ్ ఫుల్ ఎంజాయ్..

బయటకు వచ్చిన రాహుల్.. తెగ పార్టీలు చేసుకుంటున్నాడు. అప్పటి వరకు మిస్ అయిన ఫ్రెండ్స్ అందరితో కలిసి తెగ ఎంజాయ్ చేస్తున్నాడు. ఈ వీకెండ్‌లోనూ అలానే ఎంజాయ్ చేసినట్టు తెలుస్తోంది. తన జీవితంలోని ఫ్రెండ్స్ వీరేనంటూ.. వీకెండ్ బాగా ఎంజాయ్ చేసినట్టు తెలిపాడు. చేతిలో మందు గ్లాసు పట్టుకుని, చుట్టూ అమ్మాయిలతో ఉన్న రాహుల్ ఫోటో సోషల్ మీడియాలో తెగ చక్కర్లు కొడుతోంది.