రాజమౌళి మెగా ప్లాన్! వికారాబాద్ అడవుల్లో రామ్‌చరణ్.. ఇదీ అసలు సంగతి

రాజమౌళి ఫోకస్ దానిపైనే.. అందుకే ఇలా!

టాలీవుడ్ ఘనత, తోలుగోడి సత్తా ప్రపంచానికి చాటిచెప్పిన జక్కన్న ప్రస్తుతం RRR సినిమా రూపొందిస్తున్న సంగతి తెలిసిందే. రామ్ చరణ్, ఎన్టీఆర్ హీరోలుగా తెరకెక్కుతున్న ఈ భారీ మల్టీస్టారర్ సినిమాపై జక్కన్న ప్రత్యేక శ్రద్ద పెడుతున్నారు. ఈ మేరకు లొకేషన్స్‌పై స్పెషల్ ఫోకస్ పెడుతూ సన్నివేశానికి తగ్గ ప్రదేశాన్ని ఎంచుకుంటున్నారు.

అందుకోసం అడవులను వేదిక చేసుకున్న జక్కన్న

ఈ మేరకు హీరో రామ్ చరణ్‌పై షూట్ చేయాల్సిన కొన్ని ముఖ్యమైన సన్నివేశాల కోసం వికారాబాద్ అడవులను వేదిక చేసుకున్నారు రాజమౌళి. RRR టీంతో అక్కడికి వెళ్లిన ఆయన.. రామ్ చరణ్‌‌కి సంబంధించిన సన్నివేశాలను చిత్రీకరిస్తున్నారు. ఈ అడవుల్లో అడ‌వుల్లో కీల‌కమైన యాక్ష‌న్ స‌న్నివేశాల‌ చిత్రీకరణ జరుగుతోందని తెలిసింది.

వారం రోజుల పాటు అడవుల్లోనే..

ఈ షెడ్యూల్ చిత్రీకరణలో ఎన్టీఆర్ లేకపోవడం విశేషం. కేవలం రామ్ చరణ్ సన్నివేశాల చిత్రీకరణ మాత్రమే ఇక్కడ జరుగుతోందట. వారం రోజుల పాటు ఈ అడ‌వుల్లో RRR కీలక స‌న్నివేశాల‌ను చిత్రీక‌రిస్తార‌ని సమాచారం. ఈ పార్ట్ షూటింగ్‌తో దాదాపు 80 శాతం షూటింగ్ ఫినిష్ కానుందని టాక్.

అప్పటిలోగా.. రాజమౌళి ప్లాన్స్

ఇప్పటికే ఓ హీరోయిన్ ఆలియా భట్ పార్ట్‌కి సంబంధించిన షూటింగ్ ఫినిష్ చేశారు జక్కన్న. సో మిగిలిన షూటింగ్ కూడా త్వర త్వరగా పూర్తిచేసి మార్చి నెల చివరికల్లా మొత్తం కంప్లీట్ చేయాలని రాజమౌళి ప్లాన్స్ చేస్తున్నారు. ఆ తర్వాత విడుదల వరకూ పోస్ట్ ప్రొడక్షన్‌పై రాజమౌళి ప్రత్యేక శ్రద్ద పెట్టనున్నారట.

మెగా, నందమూరి అభిమానులకు నిరాశ

షూటింగ్ ప్రారంభించి చాలా నెలలైనా తన ఈ సినిమాకు సంబంధించిన ఎటువంటి విషయాలు బయటకు రాకుండా RRR విపరీతమైన క్రేజ్ పెంచేశారు రాజమౌళి. ఇదో గొప్ప మార్కెటింగ్ టెక్నిక్ అని చెప్పుకోవచ్చు. కనీసం న్యూ ఇయర్ కానుకగా అయినా RRR నుంచి తమ తమ అభిమాన హీరోల లుక్స్ వదులుతారని ఆరాటపడిన మెగా, నందమూరి అభిమానులకు నిరాశే మిగిలింది.

RRR మూవీ.. బ్యూటిఫుల్ హీరోయిన్లు

RRR మూవీలో రామ్ చరణ్ సరసన బాలీవుడ్ బ్యూటీ ఆలియా భట్ నటిస్తుండగా, ఎన్టీఆర్ సరసన హాలీవుడ్ బ్యూటీ ఒలివియా మోరీస్‌ నటిస్తోంది. అజయ్ దేవగన్ కీలక పాత్ర పోషిస్తున్నారు. చెర్రీ అల్లూరి సీతారామరాజుగా నటిస్తుండగా, ఎన్టీఆర్ కొమురం భీం రోల్ పోషిస్తున్నారు. చారిత్రిక నేపథ్యమున్న సినిమా కావడంతో మెగా, నందమూరి అభిమానులు ఆతృతగా ఉన్నారు.