బాలయ్యని చూస్తే భయం..చిరు, బాలయ్యకు తేడా అదే, రామ్- లక్ష్మణ్ ఆసక్తికర కామెంట్స్!

కంప్లీట్ ప్యాకేజీ

బాలకృష్ణ సినిమాలు అంటే ఒక కంప్లీట్ ప్యాకేజీ లాగా ఉంటాయి. సినిమాలో పాటలు, ఫైట్లు, విజిల్ వేసే డైలాగులు ఇలా ఎందులోనూ తక్కువ కాకుండా ఆయనతో సినిమాలు చేసే ప్రతి దర్శకుడు ప్లాన్ చేస్తూ ఉంటారు. అయితే గత 4,5 ఏళ్లుగా ఆయన ఎలాంటి సినిమా చేస్తున్నా ప్రేక్షకులు పెద్దగా ఆదరించడం లేదు, దీంతో ఆయన మళ్లీ తనకు బాగా కలిసి వచ్చిన బోయపాటితో అఖండ అనే సినిమా చేస్తున్నాడు.

రెండోసారి ఆలోచనే ఉండదు

తాజాగా ఒక ఇంటర్వ్యూలో రామ్-లక్ష్మణ్ మాస్టర్లు మాట్లాడుతూ టాలీవుడ్ మొత్తం మీద బాలకృష్ణ ఒక్కడే రియల్ డేరింగ్ హీరో అని చెప్పుకొచ్చారు. మాస్టర్ లని టాలీవుడ్ మొత్తం మీద ఉన్న హీరోలలో ఫైట్ సీక్వెన్స్ వివరించగానే ఎవరు ఆసక్తికరంగా ముందుకు వచ్చి చేస్తారు అని ప్రశ్నించగా వాళ్ళిద్దరూ ముక్తకంఠంతో బాలకృష్ణ పేరు చెప్పుకొచ్చారు. బాలక్రిష్ణకు సీన్ వివరించగానే ఆయన రెండోసారి ఆలోచించే పని కూడా ఉండదని డూప్ లను కూడా పెట్టకుండానే ఆయన రంగంలోకి దిగుతాడు అని వారు చెప్పుకొచ్చారు.

అప్పుడు భయం వేస్తుంది

అలాగే బాలకృష్ణ సీన్స్ చేసేటప్పుడు తమకు చాలా భయం వేస్తుందని కానీ బాలకృష్ణ మాత్రం ఎలాంటి అదురు బెదురు కూడా లేకుండా ముందుకు వెళ్ళిపోతారు అని చెప్పుకొచ్చారు.. లెజెండ్ లో ట్రైన్ ఎపిసోడ్ గురించి వారు వివరిస్తూ ట్రైన్ ఎపిసోడ్ చేస్తున్నప్పుడయితే తమ గుండెజారి చేతుల్లోకి వచ్చినట్లు అనిపించిందని మేము అంత టెన్షన్ పడుతుంటే బాలకృష్ణ మాత్రం అసలు ఏమాత్రం అదురు బెదురు లేకుండా ఆ సీన్ చాలా ఈజ్ తో చేసుకునే చేశారని చెప్పుకొచ్చారు.

తెలివి మీరిపోయారు

ఇక గత కొన్నేళ్లుగా డ్యూప్‌ల వాడకం బాగా తగ్గిందని వారు చెప్పుకొచ్చారు. హై-ఎండ్ టెక్నాలజీ రావడంతో, ప్రేక్షకులు తెలివి మీరిపోయారు అని చెప్పుకొచ్చారు. ప్రేక్షకులు డూప్ లకు, హీరోలకు ఉన్న తేడాలను సులభంగా గుర్తు పడుతున్నారని చెప్పుకొచ్చారు. అయితే బాలకృష్ణ ఎప్పుడూ డూప్ లను పెట్టుకునే కంటే తానే చేయడానికి ఇంటరెస్ట్ చూపిస్తారని చెప్పుకొచ్చారు.

తేడా అదే

ఇక తాము చిరంజీవితో కలిసి పని చేశామని ఆయనతో చేస్తున్నప్పుడు చాలా ఈజ్ ఉంటుందని రామ్ లక్ష్మణ్ మాస్టర్లు చెప్పుకొచ్చారు. బాలయ్యతో చేస్తున్నప్పుడు భయం వేసినా తరువాత ఆయన పెర్ఫార్మెన్స్ చూసి ఆశ్చర్యపోతూ ఉంటామని వెల్లడించారు. ఇక బాలయ్య బోయపాటితో అఖండ సినిమాతో బిజీగా ఉంటే చిరంజీవి కొరటాలతో ఆచార్య సినిమాతో బిజీగా ఉన్నారు.