Tollywood Drugs Case: ఈడీ విచారణకు హాజరైన రానా దగ్గుబాటి.. అతనితో సంబంధం ఏంటి?

మొత్తం 12 మంది సెలబ్రిటీలు

డ్రగ్స్ విక్రేత కెల్విన్‌తో పాటు రీసెంట్ గా టాలీవుడ్ సెలబ్రెటీస్ పూరీ జగన్నాథ్, ఛార్మి, రకుల్‌ ప్రీత్ సింగ్, యాక్టర్ నందులను విచారించిన విషయం తెలిసిందే. టాలీవుడ్ ఇండస్ట్రీలో మొత్తం 12 మందికి ఈడీ అధికారులు నోటీసులు పంపారు. సెలబ్రెటీలకు ఇచ్చిన తేదీల రోజు ఈడీ కార్యాలయంలో విచారణకు హాజరు కావాలని నోటీసులు అందాయి.

విచారణకు ఉదయమే వచ్చిన రానా

ఇక పూరి జగన్నాథ్, ఛార్మి , రకుల్ అనంతరం రానా దగ్గుబాటి కూడా ఈడీ విచారణకు హాజరయ్యారు. బుధవారం ఉదయమే రానా దగ్గుబాటి తన సిబ్బందితో కలిసి ఎన్‌ఫోర్స్‌మెంట్‌ డైరెక్టరేట్‌ కార్యాలయంలో అడుగు పెట్టారు. ఇక మీడియా కెమెరా మెన్స్ ఆయనను వీడియోలు తీసేందుకు ఒక్కసారిగా ఎగబడ్డారు. రానా దగ్గుబాటి ఏ మాత్రం పట్టించుకోకుండా మెట్లు ఎక్కుతూ ఈడీ అధికారుల ముందు హాజరయ్యారు.

లావాదేవీలపై ఆరా

ఎన్‌ఫోర్స్‌మెంట్‌ డైరెక్టరేట్‌ అధికారులు రానా నుంచి కీలక విషయాలు రాబట్టినట్లు సమాచారం. మనీ లాండరింగ్‌ కోణంలో విచారణ జరుపుతున్నారు కాబట్టి రానా బ్యాంకు ఖాతాలను అధికారులు పరిశీలిస్తున్నారు. గత కొన్నేళ్లుగా అనుమానాస్పద లావాదేవీలపై ఆరా తీస్తున్నట్లు తెలుస్తోంది. అలాగే కెల్విన్‌తో ఏమైనా సంబంధాలు ఉన్నాయా? అనే కోణంలో కూడా ప్రశ్నలు అడిగే అవకాశం సమాచారం. ఎఫ్‌ క్లబ్ గురించి అధికారులు సుదీర్ఘంగా ప్రశ్నించనున్నట్లు తెలుస్తోంది.

ముమైత్ ఖాన్ ను కూడా

రానా దగ్గుబాటితో పాటు ఎన్‌ఫోర్స్‌మెంట్‌ డైరెక్టరేట్‌ ముమైత్ ఖాన్ ను కూడా మనీ లాండరింగ్ చట్టం కింద విచారణ జరపనుంది. ఇప్పటికే సినీరంగానికి చెందిన 12 మందికి ఈడీ నోటీసులు జారీ చేసిన విషయం తెలిసిందే. ఇందులో భాగంగా ఒక్కొక్కరిని విచారిస్తున్నారు. ఇక రానా దగ్గుబాటి ఈ విచారణలో ఎలాంటి సమాధానాలు ఇస్తాడు అనేది హాట్ టాపిక్ గా మారింది.

Bheemla Nayak Vs Acharya.. ఏమి సేతుర సామీ ! || Filmibeat Telugu

గతంలోనే క్లారిటీ ఇచ్చిన రానా

అయితే గతంలో ఇచ్చిన ఇంటర్వ్యూలో రానా దగ్గుబాటి డ్రగ్స్ వ్యవహారంపై ఒక వివరణ ఇచ్చే ప్రయత్నం చేశాడు. బాలీవుడ్ పార్టీలకు రెగ్యులర్ గా వెళ్లడం వల్లనే నాకు సంబంధాలు ఉన్నాయని అనుకున్నారు. రోజు 20 కిలోమీటర్లు వాకింగ్ చేసిన అనంతరం వర్కౌట్స్ చేసుకునే నాకు డ్రగ్స్ అలవాటు చేసుకునే అవసరం అయితే లేదు.

ఎవరో సినిమా వాళ్ళు తీసుకుంటే నాకు సంబంధం ఏంటి? ఎవరి ఇష్టం వాళ్ళది. నాకు ఏ సంబంధం లేదు. స్కూల్ పిల్లలు డ్రగ్స్ కు బానిసలు అవుతున్నారని వినగానే షాక్ అయ్యాను. ఆ విషయంలో ప్రభుత్వాలు చర్యలు తీసుకోవాలని రానా వివరణ ఇచ్చే ప్రయత్నం చేశాడు.