మాధవన్ ‘రాకెట్రీ’: ఆ యాభై రోజుల వెనక కథేంటి? కుట్ర కోణం ఉందా?

ఆ రోజుల మూల్యం చెల్లించడం వెనక

వీడియో చివర్లో... ‘నా పేరు నంబి నారాయణన్, నేను 35 సంవత్సరాలు రాకెట్రీలో గడిపాను, 50 రోజులు జైల్లో గడిపాను. ఆ యాభై రోజుల మూల్యం ఏదైతే నా దేశం చెల్లించిందో దాని గురించి ఈ కథ... నా గురించి కాదు' అని మాధవన్ పాత్ర చెబుతూ కనిపించింది.

ఎవరీ నంబి నారాయణన్

నంబి నారాయణన్ ఇస్రోలో సీనియర్ సైంటిస్ట్. అయితే అతడు గూఢచర్య కార్యకలాపాలకు పాల్పడ్డట్లు 1994లో ఆరోపణలు వచ్చాయి. అతడిపై వచ్చిన ఆరోపణలను సీబీఐ 1996లో కొట్టిపారేసింది. 1998లో సుప్రీం కోర్టు సైతం ఏ తప్పూ చేయలేదని తేల్చి చెప్పింది.

మూడు ముఖ్యమైన కోణాలు

నంబి నారాయణన్ పాత్రలో మాధవన్ కనిపించడంతో పాటు.... త‌మిళ ద‌ర్శకుడు అనంత మ‌హ‌దేవ‌న్‌తో కలిసి స్వయంగా దర్శకత్వం బాధ్యతలను కూడా చేపడుతున్నాడు. నంబి నారాయ‌ణ్ జీవితంలోని మూడు ప్రధాన కోణాల‌ని బ‌యోపిక్‌లో చూపించనున్నట్టు తెలుస్తోంది.

సినిమా ఎప్పుడు వస్తోంది?

‘రాకెట్రీ-ది నంబి ఎఫెక్ట్' చిత్రాన్ని 2019 సమ్మర్లో ప్రేక్షకుల ముందుకు తెచ్చేందుకు ప్లాన్ చేస్తున్నారు. తెలుగు, తమిళ, ఇంగ్లీష్‌, హిందీ భాషల్లో ఈ చిత్రాన్ని విడుదల చేయబోతున్నారు.