హోమ్

లేటేస్ట్ న్యూస్

RX 100 చిన్న తరహా బడ్జెట్ చిత్రంగా మొదలై భారీ విజయాన్ని సొంతం చేసుకొన్న సంగతి తెలిసిందే. నిర్మాత అశోక్ రెడ్డి గుమ్మంకొండకు ఊహించని విజయాన్ని సాధించిపెట్టింది. హీరో కార్తీకేయకు క్రేజీ హీరోగా పేరు సంపాదించిపెట్టింది. ఈ చిత్రం రూ.25 కోట్లకుపైగా గ్రాస్ కలెక్షన్లను సొంతం చేసుకొన్నది.

ఇంతటితో నిర్మాత అశోక్ రెడ్డి కలెక్షన్ల పంట ఆగిందంటే పప్పులే కాలేసినట్టే. ఎందుకంటే ఈ చిత్ర హిందీ రైట్స్ కోసం బాలీవుడ్‌లో ప్రముఖ నిర్మాణ సంస్థ రూ.1.5 కోట్లు చెల్లించినట్టు సమాచారం. ప్రస్తుతం ఈ బిజినెస్ టాక్ ఆఫ్ ది టౌన్‌గా మారింది.

కన్నడ హక్కుల కోసం భారీ ఆఫర్ వచ్చినట్టు తెలుస్తున్నది. ఇంకా కన్నడ హక్కుల వ్యవహారం చర్చల దశలో ఉన్నట్టు సినీ వర్గాలు పేర్కొంటున్నాయి.

వర్మ శిష్యుడు అజయ్ భూపతి దర్శకత్వంలో రూపొందిన ఈ చిత్రంలో కార్తీకేయ, పాయల్ రాజ్‌పుత్ హీరో, హీరోయిన్లుగా నటించారు. ఈ సినిమా శాటిలైట్ హక్కుల రేట్ కూడా బ్రహ్మండంగా పలికిన విషయం తెలిసిందే.