హోమ్

లేటేస్ట్ న్యూస్

యంగ్ హీరో నాగ శౌర్య మాస్ అవతారమెత్తాడు. ఇంతవరకు చాక్లెట్ బాయ్‌ల అమ్మాయిల వెంటపడే అల్లరి కుర్రాడి పాత్రలో కనిపించాడు. అయితే నాగ శౌర్య నుంచి రాబోయే చిత్రంలో కాస్త రూట్ మార్చినట్టు కనిపిస్తున్నాడు. ఈ సారి అమ్మాయిలను టార్చర్ చేసే సైకోలను మట్టుబెట్టేందుకు వస్తున్నట్లు తెలుస్తోంది. ఆ మధ్య విడుదల చేసిన అశ్వథ్థామ కాన్సెప్ట్ మోషన్ పోస్టర్‌కు భారీ స్పందన రాగా.. తాజాగా టీజర్‌ను విడుదల చేశారు.

సమంత చేతుల మీదుగా రిలీజ్ చేయించిన ఈ టీజర్ సోషల్ మీడియాలో వైరల్‌గా మారింది. సస్పెన్స్ థ్రిల్లర్‌గా కనిపిస్తోన్న ఈ మూవీలో నాగ శౌర్య యాక్షన్ హైలెట్ కానున్నట్లు తెలుస్తోంది. ఎలా ఉంటాడో కూడా తెలియని ఓ రాక్షసుడు.. వాడికి మాత్రమే తెలిసిన రహస్యం, సైరన్‌ కూతల కింద పని చేసే వాడి సైన్యం.. గమ్యం తెలియని ఓ యుద్దం.. ఆ యుద్దం గెలవాలంటే.. ఆరడగుల నారాయణాస్త్రం కావాలి.. ఒక అశ్వథ్థాముడు రావాలి.. అంటూ టీజర్‌లో చెప్పిన డైలాగ్‌లు సినిమాపై అంచనాలు పెంచేస్తున్నాయి.

ఈ చిత్రానికి నాగ శౌర్యే కథ అందించడం విశేషం. ఈ చిత్రాన్ని తన సొంత బ్యానర్ అయిన ఐరా క్రియేషన్స్‌పై ఉషా మూల్పూరి నిర్మిస్తుండగా.. రమణ తేజ దర్శకుడిగా పరిచయం కాబోతోన్నాడు. ఈ చిత్రాన్ని జనవరి 31న విడుదల చేయనున్నారు. ఈ చిత్రంలో నాగ శౌర్యకు జోడిగా మెహ్రీన్ నటిస్తోంది.