ప్రభాస్ 'సలార్' హీరోయిన్ ఫిక్స్.. పుట్టినరోజు కానుకగా అదిరిపోయే సర్ ప్రైజ్ ఇచ్చిన టీమ్

అభిమానులను కొంత కన్ఫ్యూజన్ కు గురి చేశాయి

గత కొంతకాలంగా సలార్ సినిమాకు సంబంధించిన అనేక రకాల రూమర్స్ సోషల్ మీడియాలో వైరల్ అవుతున్న విషయం తెలిసిందే. ముఖ్యంగా సినిమాలో నటించే పాత్రలకు సంబంధించిన అనేక రకాల గాసిప్స్ అభిమానులను కొంత కన్ఫ్యూజన్ కు గురి చేశాయి. అయితే ఫైనల్ గా రూమర్స్ కు చిత్ర యూనిట్ బ్రేక్ వేసింది.

మొదట వాళ్లే హీరోయిన్స్ అన్నారు

సినిమాలో హీరోయిన్ గా ఎవరు నటిస్తారు అనే విషయంలో చాలా రోజులుగా రుమర్స్ వస్తున్న విషయం తెలిసిందే. మొదట దిశా పటాని, కీయరా అద్వానీ, కత్రినా కైఫ్ అంటూ కథనాలు చాలానే వచ్చాయి. కానీ చిత్ర యూనిట్ ఎవరు ఊహించని విధంగా ప్రభాస్ జోడిగా సీనియర్ స్టార్ హీరో కూతురిని సెలెక్ట్ చేసింది. ఆమె మరెవరో కాదు. కమల్ హాసన్ కూతురు శృతి హాసన్.

పుట్టినరోజున స్పెషల్ గా..

నేడు శృతి హాసన్ 35వ పుట్టినరోజు. ఈ సందర్భంగా ఆమె అభిమానులకు హోంబల్ ప్రొడక్షన్ హౌజ్ వారు కిక్కిచ్చే అప్డేట్ ఇచ్చారు. మొత్తానికి సలార్ మహారాణి శృతి హాసన్ అని క్లారిటీ ఇచ్చేశారు. ఇటీవల శృతి హాసన్ క్రాక్ సినిమాతో బాక్సాఫీస్ హిట్ అందుకున్న విషయం తెలిసిందే. ఆ సినిమా బాక్సాఫీస్ వద్ద 50కోట్లకు పైగా వసూళ్లను అందుకుంది.

Recommended Video

Tollywood back to form again.. 2021 will be biggest year ever for telugu Cinema

ఇక సినిమా రిలీజ్ ఎప్పుడంటే..

సలార్ సినిమాపై అభిమానుల్లో అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు. KGF దర్శకుడు ప్రశాంత్ నీల్ అదే టీమ్ తో కలిసి చేస్తున్న సినిమా కాబట్టి యాక్షన్ డోస్ మామూలుగా ఉండదు. ఇక సినిమాను 2022 సంక్రాంతికి విడుదల చేసే ఆలోచనలో ఉన్నట్లు తెలుస్తోంది. ప్రభాస్ కేవలం రెండు నెలల్లోనే తన షూటింగ్ పార్ట్ ను ముగించుకునేలా షెడ్యూల్ ప్లాన్ చేసుకున్నట్లు సమాచారం.