రాక్షసుడిలా మారుతున్న అల్లు అర్జున్.. పుష్ప కోసం మూడు గంటల పాటు కదలకుండా..

స్పీడ్ పెంచిన సుకుమార్

పుష్ప షూటింగ్ కోసం పడుతున్న కష్టం అంతా ఇంతా కాదట.

రీసెంట్ గా సినిమా రిలీజ్ డేట్ పై క్లారిటీ ఇచ్చిన విషయం తెలిసిందే. సినిమా తప్పకుండా ఈ ఎడాది ఆగస్టు 13న రాబోతున్నట్లు క్లారిటీ ఇచ్చేశారు. ఇంకా షూటింగ్ 70% పూర్తి చేయాల్సి ఉంది. ఇక తక్కువ సమయం ఉండడంతో దర్శకుడు సుకుమార్ అయితే స్పీడ్ పెంచినట్లు క్లారిటీగా అర్ధమయ్యింది.

3గంటల పాటు కదలకుండా..

నవంబర్ లో మొదలైన రెండు కీలకమైన షెడ్యూల్స్ ను రంపచోడవరం, మారేడు మిల్లి ప్రాంతాల్లో ఇటీవల ఫినిష్ చేశారు. ఇక సినిమాలో పుష్ప రాజ్ పాత్ర కోసం బన్నీ గంటల తరబడి రెడీ అవ్వాల్సి వస్తోందట. మేకప్ కోసమే మూడు గంటల సమయం కేటాయిస్తున్నట్లు తెలుస్తోంది. మేకప్ వేసే క్రమంలో కదలకుండా అలానే గంటల తరబడి ఉండడం అంత సామాన్యమైన విషయం కాదు.

అల్లు అర్జున్ నట విశ్వరూపం

బన్నీ కెరీర్ లో ఇంతవరకు ఏ పాత్ర కోసం కూడా ఏ రేంజ్ లో కష్టపడలేదు. ఊర మాస్ క్యారెక్టర్ అయిన పుష్ప బిగ్ స్క్రీన్ పై నెవర్ బిఫోర్ అనేలా ఉంటుందట. ముఖ్యంగా యాక్షన్ సన్నివేశాల్లో అల్లు అర్జున్ తన నట విశ్వరూపాన్ని చూపించడం కాయమని తెలుస్తోంది. షూటింగ్ స్పాట్ లో బన్నీ కష్టాన్ని చూసి యూనిట్ సభ్యులు షాక్ అవుతున్నారాట.

పని రాక్షసుడిలా..

ఒక్క మాటలో చెప్పాలి అంటే అల్లు అర్జున్ పని రాక్షసుడిలా మారినట్లు తెలుస్తోంది. యాక్షన్ సన్నివేశాల్లో ఎలాంటి డూప్ లేకుండా కూడా నటిస్తున్నాడట. ఇక మొన్న ముగిసిన షెడ్యూల్ లో అయితే 500 మందితో ఒక యాక్షన్ సీన్ ను షూట్ చేసినట్లు తెలిసింది. ఆ ఒక్క సీన్ సినిమా మొత్తంలో హైలెట్ గా ఉంటుందని టాక్ వస్తోంది. మరి పుష్ప సినిమాతో బన్నీ బాక్సాఫీస్ వద్ద ఏ స్థాయిలో రికార్డులను క్రియేట్ చేస్తాడో చూడాలి.