Hunt: హాలీవుడ్ స్టంట్ మాస్టార్స్ తో 'హంట్'కు సిద్ధమైన సుధీర్ బాబు.. రిలీజ్ డేట్ ఫిక్స్!

పోలీస్ ఆఫీసర్లుగా..

నైట్రో స్టార్ సుధీర్ బాబు కథానాయకుడిగా భవ్య క్రియేషన్స్ పతాకంపై వి. ఆనంద ప్రసాద్ నిర్మించిన సినిమా 'హంట్'. ఈ సినిమాకు మహేష్‌ దర్శకత్వం వహించారు. ఈ సినిమా నుంచి ఇప్పటికే పలు అప్డేట్స్ ఇస్తూ సినిమాపై క్యూరియాసిటీ పెంచే ప్రయత్నం చేశారు. ఇప్పుడు తాజాగా ఈ సినిమా విడుదల తేదిని ప్రకటించారు. 'హంట్' సినిమా విడుదల తేదీని వెల్లడిస్తూ సినిమా కొత్త పోస్టర్ రిలీజ్ చేశారు. ఈ పోస్టర్ లో సుధీర్ లుక్.. ఆయన కళ్లలో ఇంటెన్సిటీ ప్రేక్షకులను అట్ట్రాక్ట్ చేసేలా ఉన్నాయి. ఈ చిత్రంలో సుధీర్ బాబుతో పాటు శ్రీకాంత్, 'ప్రేమిస్తే' భరత్ ఈ పోలీస్ ఆఫీసర్లుగాకనిపించనున్నారు.

హాలీవుడ్ స్టంట్స్ కొరియోగ్రాఫర్స్ తో..

ఈ సినిమా విడుదల తేదిని ప్రకటించిన సందర్బంగా నిర్మాత వి. ఆనంద ప్రసాద్ మాట్లాడుతూ "మా 'హంట్' సినిమాను జనవరి 26న థియేటర్లలో విడుదల చేస్తున్నాం. రిపబ్లిక్ డే కానుకగా ప్రేక్షకులు అందరినీ సినిమా అలరిస్తుంది. చిత్రీకరణ, పోస్ట్ ప్రొడక్షన్ పనులు అన్నీ పూర్తి అయ్యాయి. సినిమా రెడీగా ఉంది. అవుట్ అండ్ అవుట్ యాక్షన్ ఎంటర్టైనర్ ఇది. హై వోల్టేజ్ యాక్షన్ థ్రిల్లర్‌గా తెరకెక్కించాం. మార్వెల్ స్టూడియోస్ నిర్మించిన పలు చిత్రాలకు వర్క్ చేసిన రేనాడ్ఫవెరో, బ్రయాన్ విజియర్ 'హంట్'లో స్టంట్స్ కంపోజ్ చేశారు.'జాన్ విక్ 4'కి కూడా వాళ్లే స్టంట్ కొరియోగ్రాఫర్స్. వాళ్ళు యాక్షన్ కొరియోగ్రఫీ సినిమాకి హైలైట్ అవుతుంది. ఆల్రెడీ విడుదలైన టీజర్, 'పాపతో పైలం...' పాటకుసూపర్ రెస్పాన్స్ వస్తోంది. యూట్యూబ్‌లో ట్రెండ్ అయ్యాయి. త్వరలో ట్రైలర్ విడుదల తేదీ వెల్లడిస్తాం'' అని తెలిపారు.

రిపబ్లిక్ డే కానుకగా..

సుధీర్ బాబు తాజా సినిమా హంట్ ను రిపబ్లిక్ డే కానుకగా జనవరి 26, 2023న విడుదల చేయనున్నట్లు మేకర్స్ తెలిపారు. ఇక ఈ సినిమాలో సీనియర్ హీరో శ్రీకాంత్, భరత్ ప్రధాన పాత్రలు పోషిస్తున్నారు. మైమ్ గోపి, కబీర్ దుహన్ సింగ్, మౌనిక రెడ్డి, గోపరాజు రమణ, మంజుల ఘట్టమనేని, చిత్రా శుక్ల, సుపూర్ణ మల్కర్, సంజయ్ స్వరూప్, రవి వర్మ, 'జెమినీ' సురేష్, అభిజీత్ పూండ్ల, కోటేష్ మన్నవ, సత్య కృష్ణన్ తదితరులు పలు పాత్రలు పోషించగా జిబ్రాన్ సంగీతం అందించారు. అరుల్ విన్సెంట్ సినిమాటోగ్రఫీ అందించనున్నారు.