హోమ్

లేటేస్ట్ న్యూస్

హలో నా పేరు అమితాబ్ బచ్చన్... హలో నా పేరు అమీర్ ఖాన్... మేమిద్దరం కలిసి మొదటిసారిగా మా నెక్ట్ మూవీ 'థగ్స్ ఆఫ్ హిందూస్తాన్' యశ్ రాజ్ ఫిలింస్ ద్వారా మీ ముందుకు వస్తున్నాం. ఈ స్పెషల్ ఫిల్మ్‌ను మీతో షేర్ చేద్దామనుకుంటున్నాం. ఈ దీపావళికి థగ్స్ వస్తున్నారు. సినిమా హౌస్‌లో కలుద్దాం.... అంటూ తెలుగునాట తమ మూవీ ప్రమోషన్స్ మొదలు పెట్టారు ఈ ఇద్దకు బాలీవుడ్ సూపర్ స్టార్స్.

అమితాబ్‌ బచ్చన్‌, ఆమిర్‌ ఖాన్ ప్రధాన పాత్రల్లో నటించిన 'థగ్స్‌ ఆఫ్‌ హిందుస్తాన్‌' నవంబర్ 8న విడుదలకు సిద్ధమవుతోంది. ఈ చిత్రాన్ని హిందీతో పాటు సౌత్‌లో తెలుగు, తమిళంలో కూడా విడుదల చేస్తున్నారు. ఈ నేపథ్యంలో ఆయా భాషల్లో కూడా ప్రమోషన్స్ జోరు పెంచారు.

ఈ చిత్రాన్ని యశ్‌ రాజ్ ఫిల్మ్స్‌ పతాకంపై ఆదిత్యా చోప్రా నిర్మిస్తున్నారు. అమితాబ్ బచ్చన్, అమీర్ ఖాన్‌తో పాటు కత్రినా కైఫ్‌, ఫాతిమా సనా షేక్‌ కీలక పాత్రలు పోషిస్తున్నారు. ‌ధూమ్ 3 ఫేం విజయ్‌ కృష్ణ ఆచార్య ఈ చిత్రానికి దర్శకత్వం వహిస్తున్నారు.

ఇందులో అమితాబ్ బచ్చ్ థగ్స్ కమాండర్... ఖుదాబక్ష్ పాత్రలో కనిపించనున్నారు. అమితాబ్ బచ్చన్ ఫిరంగి పాత్రలో నటిస్తున్నారు. ఇప్పటికే విడుదలైన ఈ పాత్రలకు సంబంధించి ఫస్ట్ లుక్ పోస్టర్స్ సినిమాపై అంచనాలు మరింత పెంచాయి. బ్రిటిష్ కాలంలో జరిగిన కథతో ఈ మూవీ తెరకెక్కుతోంది. ఫిలిప్ మీడో రచించిన 1839 నాటి ఫిక్షన్ నవల... కన్‌ఫెషన్స్ ఆఫ్ ఎ థగ్స్ ఆధారంగా ఈ సినిమా తెరకెక్కించారు.