ఖరీదైన కొత్త కారు కొన్న షణ్ముఖ్ జశ్వంత్.. ట్రోలింగ్స్ తో షాక్ ఇచ్చిన నెటిజన్లు.. రెమ్యునరేషన్ ఎంతంటే?

| Updated: Friday, July 16, 2021, 15:12 [IST]

షణ్ముక్ జశ్వంత్ అంటే తెలియని తెలుగు నెటిజన్లు ఉండరు. మనోడు వెబ్ సిరీస్ లతోనే భారీ స్థాయిలో క్రేజ్ అందుకున్నాడు. ఇక అప్పుడప్పుడు బుల్లితెరపై కూడా మంచి నటుడిగా కొనసాగుతున్నాడు. ఇక షణ్ముక్ ఇటీవల ఒక ఖరీదైన కారును కొనుగోలు చేశాడు. ఇక అందుకు సంబంధించిన ఫొటోను సోషల్ మీడియాలో షేర్ చేయడంతో అతన్ని మరోసారి ట్రోలింగ్ చేస్తున్నారు. ఇక అతని రెమ్యునరేషన్ వివరాల్లోకి కూడా వెళితే..

అరేయ్.. ఏంట్రా ఇది

షణ్ముఖ్ జశ్వంత్ అనగానే సోషల్ మీడియా జనాలకు కొన్ని డైలాగ్స్ గుర్తొస్తుంటాయి. అరేయ్ ఏంట్రా ఇది అనే డైలాగ్ ఎంతగా ఫేమస్ అయ్యిందో స్పెషల్ గా చెప్పనవసరం లేదు. పెద్దగా బ్యాక్ గ్రౌండ్ లేకుండానే తనకంటూ ఒక ప్రత్యేకమైన క్రేజ్ అందుకున్నాడు. వైవా షార్ట్ ఫిల్మ్ నుంచి యూ ట్యూబ్ కంటెంట్ తో ఆకట్టుకుంటున్న విషయం తెలిసిందే.

సోషల్ మీడియాలో భారీగా ఫాలోవర్స్

షన్ను అనే పేరుతో ఎక్కువగా వైరల్ అయ్యే ఈ టాలెంటెడ్ స్టార్ సోషల్ మీడియాలో కూడా భారీ స్థాయిలో ఫాలోవర్స్ ను అందుకుంటున్నాడు. ఇక పర్సనల్ విషయాలు ఇంటర్నెట్ వరల్డ్ లో బాగానే వైరల్ అవుతున్నాయి. ఇక షణ్ముక్ యూ ట్యూబ్ ఆదాయం గురించి కూడా రకాల రూమర్స్ వస్తున్నాయి.

కొత్త కారుతో షణ్ముక్

ఇటీవల షణ్ముక్ ఒక ఖరీదైన కారును కొనుగోలు చేసుకొని దానితో దిగిన ఫొటోను సోషల్ మీడియాలో షేర్ చేశాడు. ఇక అతని ఫ్యాన్స్ కంగ్రాట్స్ తేలిపినప్పటికి కొందరు మాత్రం అదే పనిగా ట్రోల్ చేస్తున్నారు. గతంలో షణ్ముక్ ఒక యాక్సిడెంట్ ఘటనతో విమర్శలు ఎదుర్కొన్న విషయం తెలిసిందే.ఇక కారు ఫొటో పోస్ట్ చేస్తూ.. ఇది నేను, ఇది నా కొత్త కారు అంటూ ఇక పార్టీలు లేవు అని తనపై తానే సెటైర్ వేసుకున్నాడు. అలాగే త్వరలో డ్రైవర్ ను కూడా పెట్టుకుంటాను అని క్లారిటీ ఇచ్చాడు.

కారు జాగ్రత్తగా నడుపు

ఇక నుంచి అయినా కాస్త జాగ్రత్తగా కారు నడుపు, తాగకుండా డ్రైవ్ చేయమని కొందరు నెటిజన్లు సలహాలు ఇస్తున్నారు. ఇక కారు నెంబర్ ప్లేట్ కనిపించకుండ బ్లర్ చేయడంపై కూడా కూడా ఓ వర్గం వారు విమర్శలు చేస్తుండడం వైరల్ అవుతోంది. ఛలాన్స్ తెలియవద్దని అలా దచేశావా అని ట్రోల్ చేస్తున్నారు. ఇక అలాంటి కామెంట్స్ ఎన్ని వచ్చినా కూడా షణ్ముక్ ఏ మాత్రం పట్టించుకోకుండా ముందుకి వెళుతున్నాడు.

ఆదాయం ఎంతంటే?

ఇక షణ్ముక్ ఇటీవల సూర్య వెబ్ సిరీస్ ద్వారా మంచి క్రేజ్ అందుకున్నాడు. తన యూ ట్యూబ్ ఛానెల్ కు 3 మిలియన్స్. కు పైగా సబ్‌స్క్రైబర్స్ కూడా ఉన్నారు. ఇక ఎలాంటి వీడియో పోస్ట్ చేసిన కూడా ఈజీగా 10మిలియన్ల వ్యూవ్స్ వస్తున్నాయి. ఇక ఆదాయం కూడా నెలకు 8 నుంచి 10లక్షల మధ్యలో వస్తున్నట్లు తెలుస్తోంది. అంటే దాదాపు సినిమా స్టార్స్ రేంజ్ లోనే షన్ను ఏడాదికి కోటికి పైగా ఆదాయాన్ని అందుకుంటున్నట్లు సమాచారం.

Comments

English summary

Shanmukh Jashwant is a name that does not require much introduction to the social media masses. Personal things about this talented actor, who goes viral under the name Shannu, are going viral. There are various rumors circulating right now about how much Shanmukh YouTube earns. And if you take a look at those things ..