కోట్లు తెచ్చిపెట్టిన బిచ్చగాడు కథకు సీక్వెల్ రెడీ.. ఈసారి ఎన్ని రికార్డులు బద్దలవుతాయో?

తక్కువ బడ్జెట్ లో..

అమ్మ సెంటిమెంట్ తో వచ్చిన ఈ చిత్రం ఎలాంటి హడావుడి లేకుండా రిలీజ్ అయ్యింది. వెంకటేష్ తో అప్పట్లో శీను అనే సినిమాను డైరెక్ట్ చేసిన సీనియర్ దర్శకుడు శశి బిచ్చగాడు సినిమాకు దర్శకత్వం వహించాడు. తక్కువ బడ్జెట్ తో రూపొందించిన ఈ సినిమా కోలీవుడ్ లో అద్భుత విజయాన్ని అందుకుంది. విజయ్ ఆంటోనీ ఈ సినిమాలో హీరోగానే కాకుండా సంగీతం కూడా అందించాడు.

తెలుగులో కాసుల వర్షం..

2016లో తెలుగులో బిచ్చగాడు పేరుతో సినిమాను రిలీజ్ చేస్తున్నారు అనగానే మొదట ఎదో డబ్బింగ్ సినిమా అని అందరూ లైట్ తీసుకున్నారు. కానీ మొదటి మూడు రోజులు చూసిన కొంతమంది జనాల నుంచి పాజిటివ్ టాక్ రావడంతో తరువాత వారం పాటు చాలా ఏరియాల్లో హౌజ్ ఫుల్ బోర్డులు దర్శనమిచ్చాయి. అప్పట్లో ఈ సినిమా దాదాపు 14కోట్ల వరకు కలెక్షన్స్ సాధించింది.

ఐదేళ్ల తరువాత సీక్వెల్..

ఇక ఐదేళ్ల అనంతరం బిచ్చగాడు కథకు సీక్వెల్ రాబోతున్నట్లు చిత్ర యూనిట్ అఫీషియల్ ఎనౌన్స్మెంట్ ఇచ్చింది. 2021లో సినిమాను విడుదల చేయాలని అనుకుంటున్నారు. గత కొన్ని నెలల క్రితమే బిచ్చగాడు 2కి సంబంధించిన స్క్రిప్ట్ పనులు జరుగుతున్నట్లు చెప్పిన విజయ్ ఇప్పుడు సడన్ గా ఫస్ట్ లుక్ రిలీజ్ చేసి హాట్ టాపిక్ అయ్యేలా చేశారు.

Recommended Video

Happy Birthday Vijay : Thalapathy Vijay Box Office Career

టెక్నీషియన్ చేంజ్

ఇక ఈ సారి విజయ్ టెక్నీషియన్స్ విషయంలో భారీ మార్పులు చేశాడు. నేషనల్ అవార్డ్ విన్నర్ ప్రియా కృష్ణస్వామి దర్శకత్వం వహిస్తుండగా విజయ్ అంథోని సినిమాను నిర్మించనున్నాడు. అయితే ఈసారి ఈ సినిమా ఏ స్థాయిలో కలెక్షన్స్ అందుకుంటుందో చూడాలి.