Home

Whats new

రౌడీ స్టార్ విజయ్ దేవరకొండ హీరోగా కె.ఎస్‌. రామారావు సమర్పణలో కె.ఎ. వల్లభ నిర్మించిన చిత్రం 'వరల్డ్‌ ఫేమస్‌ లవర్‌'. క్రాంతిమాధవ్‌ దర్శకత్వంలో రూపొందిన ఈ సినిమా వాలంటైన్స్ డే కానుకగా ఫిబ్రవరి 14న విడుదల కానుంది. ఈ చిత్రంలో విజయ్ సరసన నలుగురు అందాల భామలు రాశి ఖన్నా, ఇసాబెల్లా, క్యాథెరిన్ ట్రెస్సా, ఐశ్వర్య రాజేష్ నటించారు.

ఇప్పటికే విడుదలైన ఈ సినిమా టీజర్, ట్రైలర్ మూవీ రేంజ్ ఎలా ఉండబోతోందో చెప్పకనే చెప్పేశాయి. ఈ క్రేజీ అప్‌డేట్స్ చూసిన యువత 'వరల్డ్‌ ఫేమస్‌ లవర్‌' సినిమా విడుదల కోసం ఆతృతగా ఎదురుచూస్తున్నారు. మరోవైపు మూవీ ప్రమోషన్స్ కోసం మాక్సిమమ్ టైమ్ కేటాయిస్తున్న విజయ్ దేవరకొండ తాజాగా ఓ ఇంటర్వ్యూలో పాల్గొని ఆసక్తికరంగా మాట్లాడారు.

''గతంలో లవ్ అంటే నాన్సెన్స్‌ అనుకునేవాడిని. కానీ ఇప్పుడు జీవితంలో ప్రేమ అనేది శక్తిమంతమైన అనుభూతి అనే భావనలోకి వచ్చా. ప్రతి ఒక్కరూ జీవితంలో ప్రేమ అనే అనుభూతి ఆస్వాదించాల్సిందే. ప్రేమలో పడాల్సిందే. జీవితమంతా చూసుకుంటే తల్లితండ్రులు, భార్యాపిల్లలు, స్నేహితుల ప్రేమే గుర్తుంటుంది'' అని అన్నారు విజయ్ దేవరకొండ.

తాను 30 ఏళ్లు వచ్చాయని, పెద్దోడిని అయిపోయానని చెప్పిన విజయ్ దేవరకొండ.. పెళ్లి విషయానికి వచ్చేసరికి మాత్రం తానింకా చిన్న పిల్లాడినే అనిపిస్తోందని అన్నారు. ఇప్పుడు పెళ్లికి సిద్ధంగా లేనని, భవిష్యత్తులో చేసుకుంటానని అన్నారు విజయ్ దేవరకొండ.