హైదరాబాద్‌లోనే సోనూసూద్ సిట్టింగ్.. ఆ ఎఫెక్ట్‌తో ఒకేసారి 10కోట్ల ఖర్చు

ఖర్చుకు ఏ మాత్రం వెనుకాడకుండా

సినిమా ఇండస్ట్రీలో మొదట విలన్ గా తనకంటూ ఒక ప్రత్యేకమైన క్రేజ్ అందుకున్న సోనూసూద్ బాషాభేదం లేకుండా నటించాడు. కొన్ని సినిమాలకు తన విలనిజంతోనే మంచి హైప్ క్రియేట్ చేశాడు. నిజానికి అతనిలో ఒక రియల్ హీరో ఉన్నాడని కరోనా వచ్చే వరకు ఎవరికి తెలియదు. ఖర్చుకు ఏ మాత్రం వెనుకాడకుండా ఎన్నో సహాయలు చేశాడు.

ఆ తరువాత కూడా..

మొదటి లాక్ డౌన్ మొదలైనప్పుడే సొంత గూటికి చేరేందుకు జనాలు పడిన కష్టం అంతా ఇంతా కాదు. అలాంటి వారి కోసం సోనూసూద్ చేసిన సహాయం ప్రతి ఒక్కరినీ కదిలించింది. ప్రత్యేకంగా బస్సులను ఏర్పాటు చేయడమే కాకుండా ఎంతోమందికి ఆకలి బాధను కూడా తీర్చాడు. లాక్ డౌన్ అనంతరం కూడా అదే తరహాలో సహాయలు అందించాడు.

వెనుకడుగు వేయలేదు.

ఆక్సిజన్ ప్లాంట్స్ కోసం సోనూసూద్ చేసిన కృషి అంతా ఇంతా కాదు. ఏకంగా 3కోట్ల వరకు ఖర్చు చేసి దేశంలోని ఎమర్జెన్సీ పేషేంట్స్ కు ఆక్సిజన్ అందేలా చేశాడు. ఎలాంటి పరిస్థితుల్లోనూ సోనూసూద్ వెనుకడుగు వేయలేదు. దీంతో సోనూసూద్ కు వచ్చే ఆఫర్స్ లో మార్పులు వస్తున్నాయి. ముఖ్యంగా టాలీవుడ్ లో అతనికి పాజిటివ్ గా ఉండే రోల్స్ ఎక్కువగా వస్తున్నాయి.

సొంతంగా ఖరీదైన ఫ్లాట్

ఇక హైదరాబాద్ లో ప్రతిసారి హోటల్ లో ఉండడం సోనూసూద్ కు నచ్చడం లేదట. ఆ ఎఫెక్ట్ తో ప్లాన్ చేంజ్ చేశాడు. సొంతంగా ఫ్లాట్ తీసుకుంటే బెటర్ అని ఏకంగా రూ.10కోట్లు ఖర్చు చేసి ఒక సొంత ఫ్లాట్ తీసుకున్నాడట. ఎక్కువ రోజులు ఇక్కడ గడపాల్సి వస్తే కుటుంబ సభ్యులకు కూడా సౌకర్యంగా ఉండాలని ప్లాన్ చేసుకుంటున్నట్లు సమాచారం.