చిక్కుల్లో అమితాబ్ బాడీగార్డు..సీఈవోల కంటే ఎక్కువ జీతమంటూ కొంప ముంచారు.. భారీ మూల్యం?

చిక్కుల్లో

జితేంద్ర షిండే ముంబై పోలీస్ విభాగంలో ఒక హెడ్ కానిస్టేబుల్ మరియు 2015 నుంచి షిండే అమితాబ్ బచ్చన్ కి బాడీగార్డ్ గా వ్యవహరిస్తున్నారు. అమితాబ్ బచ్చన్ X కేటగిరీ సెక్యూరిటీని కలిగి ఉన్నందున, ఆయన వెంట ఎల్లప్పుడూ ఇద్దరు కానిస్టేబుళ్లు ఉంటారు. ముంబై పోలీసుల ప్రకారం, ఒక పోలీసును 5 సంవత్సరాలకు మించి ఏ ప్రదేశంలో నియమించలేరట. ఆడే కాకుండా పోలీస్ రూల్స్ ప్రకారం జీతం కాకుండా పోలీసుల్లో ఎవరూ కూడా మరే ఇతర జీతం తీసుకోకూడదని అంటున్నారు.

సొంత భద్రతా ఏజెన్సీ

అయితే నివేదికల ప్రకారం, జితేంద్ర షిండే తనకు సొంత భద్రతా ఏజెన్సీ ఉందని, దీని ద్వారా ప్రముఖులకు రక్షణ ఇస్తున్నామని పోలీసు అధికారులకు చెప్పారని అంటున్నారు. అయితే ఈ సెక్యూరిటీ ఏజెన్సీ అతని భార్య పేరు మీద ఉంది, ఆమె స్వయంగా దానిని నిర్వహిస్తుందట. అంతే కాక జితేంద్ర షిండే తనకు అమితాబ్ బచ్చన్ నుండి ఎలాంటి జీతం రాలేదని కూడా చెప్పాడని అంటున్నారు. దీన్తి జితేంద్ర షిండే ఇంత భారీ మొత్తాన్ని ఎక్కడ నుండి సంపాదిస్తున్నాడనే విషయంపై పోలీసులు ఇప్పుడు దర్యాప్తు చేస్తున్నారు.

15 రోజుల క్రితం బదిలీ

ఇక షిండే తన వార్షిక జీతం మరియు ఆస్తుల గురించి పోలీసు అధికారులకు సమాచారం ఇచ్చారా అనే కోణంలో కూడా దర్యాప్తు చేస్తున్నారు. వార్షికంగా కోట్లు సంపాదిస్తున్నాడని నివేదికల తర్వాత, జితేంద్ర షిండే ఇప్పుడు దక్షిణ ముంబైలోని పోలీస్ స్టేషన్‌కు బదిలీ చేయబడ్డాడు. అతను దక్షిణ ముంబైలోని DB మార్గ్ పోలీస్ స్టేషన్‌కు బదిలీ చేయబడ్డాడు. అయితే ఇది సాధారణ బదిలీ అని కూడా అంటున్నారు. అతను 15 రోజుల క్రితం బదిలీ చేయబడ్డాడని, ఆ సమయంలో అది పోలీసు నోటీసులో అధికారికంగా ప్రచురించబడిందని అంటున్నారు.

అతని భార్య వ్యాపారమాట

ఒక సీనియర్ ఐపీఎస్ అధికారి మాట్లాడుతూ 2015 నుండి బచ్చన్‌తో ఉన్న షిండేను కొత్త మార్గదర్శకాల ప్రకారం సాధారణ పద్ధతిలో మార్చారని అన్నారు. ఐదేళ్లకు మించి అదే పోస్టులో ఏ పోలీసు కానిస్టేబుల్ కూడా కొనసాగడు" అని ఆయన స్పష్టం చేశారు. ప్రముఖ వ్యక్తులకు సెక్యూరిటీ గార్డులను అందించే షిండే భార్య ఒక పెద్ద వ్యాపారాన్ని నిర్వహిస్తున్నట్లు పోలీసు శాఖకు సమాచారం అందిందని IPS అధికారి తెలిపారు.

"ఇప్పటి వరకు, మాకు నిర్దిష్టమైన లేదా ఖచ్చితమైన సమాచారం లేదు. మీడియాలో ఒక విభాగంలో వచ్చిన నివేదికల ఆధారంగా, మేము మొదట షిండేకు షోకాజ్ నోటీసు జారీ చేస్తాము మరియు అతని నుండి ప్రాథమిక సమాచారాన్ని భద్రపరుస్తామని ఆయన అన్నారు.

Recommended Video

Bigg Boss Telugu Season 2 : Geetha Madhuri Serious On Youtube Channels

అతనేం చెబుతాడో చూద్దాం

రాష్ట్ర ప్రభుత్వం అతనికి రెగ్యులర్ జీతం చెల్లిస్తున్నప్పటికీ, అతను ఏదైనా ఇతర ఏజెన్సీ నుండి అదనపు నెలవారీ వేతనాన్ని స్వీకరిస్తున్నాడా అని తెలుసుకోవడానికి మేము ప్రయత్నిస్తున్నామని ఆయన అన్నారు. భవిష్యత్ కార్యాచరణ షో-కాజ్ నోటీసుకు అతను ఇచ్చిన సమాధానంపై ఆధారపడి ఉంటుంది "అని IPS అధికారి చెప్పారు.

బచ్చన్ నియామకం నుండి షిండేకు ఉపశమనం లభించిందా అని అడిగినప్పుడు, "స్టార్‌తో అతని అనుబంధం దృష్ట్యా అతడిని మార్చవద్దని ముంబై పోలీసులపై ఒత్తిడి పెరుగుతుంది" అని చెప్పారు. నివేదికల ప్రకారం, షిండే బచ్చన్ యొక్క విశ్వసనీయ గార్డులలో ఒకరిగా ఉన్నారు.