Don't Miss!
- News పవన్ చేతిలో జాతీయ జెండా.. ! పిఠాపురంలో కోడ్ ఉల్లంఘన ?
- Sports T20 వరల్డ్ కప్కు భారత తుదిజట్టు ఇదే - సెహ్వాగ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Automobiles వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి వీడియో
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
అర్జున్ కపూర్ మూవీ ‘ఇండియాస్ మోస్ట్ వాంటెడ్’.. ఉగ్రవాది యాసిన్ భక్తల్ గురించేనా?
అర్జున్ కపూర్ హీరోగా రూపొందుతున్న బాలీవుడ్ చిత్రం 'ఇండియాస్ మోస్ట్ వాంటెడ్'. ఈ చిత్రానికి సంబంధించిన ట్రైలర్ గురువారం విడుదలైంది. ఇండియా ఒసామాగా పేరొందిన కరుడుగట్టిన ఉగ్రవాదిని పట్టుకునే ఆపరేషన్ చుట్టూ ఈ కథ తిరుగుతుందని స్పష్టమవుతోంది.
ఇందులో అర్జున్ కపూర్ ఇంటలిజెన్స్ పోలీస్ ఆఫీసర్గా నటిస్తున్నాడు. మరో ఐదుగురుతో కలిసి... సింగిల్ బుల్లెట్ కూడా పేల్చకుండా 'ఇండియాస్ మోస్ట్ వాంటెడ్' టెర్రరిస్టును ఎలా పట్టుకున్నారనేది ఆసక్తికరంగా తెరకెక్కించినట్లు ట్రైలర్ చూస్తే స్పష్టమవుతోంది.
ఈ చిత్రం ఉగ్రవాది యాసిన్ భక్తల్ ఆధారంగా తీస్తున్నారా? సినిమాలో చూపించబోయే టెర్రరిస్టు అతడేనా? అనే ప్రశ్నకు దర్శకుడు రాజ్ కుమార్ గుప్తా ఆసకర సమాధానం ఇచ్చారు. 'మేము కొన్ని రియల్ సంఘటనల ఆధారంగా తెరకెక్కించాం. ఆ టెర్రరిస్ట్ ఎవరు? ఎవరి ఆధారంగా తీశాం అనేది థియేటర్లో సినిమా చూసిన తర్వాత మీరే డిసైడ్ చేసుకోండి' అన్నారు.
ఇంటలిజెన్స్ డిపార్టుమెంటులో జరిగిన రియల్ ఆపరేషన్ ఇది. సింగిల్ బుల్లెట్ కూడా వాడకుండా అతడిని పట్టుకున్నారు. ఆ సంఘటనలను బేస్ చేసుకుని కథ సాగుతుంది. సినిమా ఆద్యంతం ఆసక్తికరంగా ఉంటటుందని రాజ్ కుమార్ గుప్తా తెలిపారు.
2008లో ఢిల్లీ బాంబు పేలుళ్లు, 2010 వారణాసి పేలుళ్లతో పాటు ఇండియా వ్యాప్తంగా జరిగిన 10 వేర్వేరు బ్లాస్టింగ్స్లో ఉగ్రవాది యాసిన్ భక్తల్ హస్తం ఉంది. 2006లో జరిగిన ముంబై ట్రైన్ బాంబింగ్, 2008లో బెంగుళూరు క్రికెట్ స్టేడియం బయట బాంబు పెట్టడం లాంటి కేసుల్లో నిందితుడుగా ఉన్నారు. 2013లో ఇతడిని ఇండో-నేపాల్ బార్డర్లో పట్టుకున్నారు. ప్రస్తుతం ఇతడు తీహార్ జైల్లో ఉన్నాడు.